ბიზნესისა და ტექნოლოგიების უნივერსიტეტში უახლესი ტექნოლოგიებით აღჭურვილი Bitfury-ის ლაბორატორია გაიხსნა. ლაბორატორია სტუდენტებს ბლოკჩეინ სისტემების დეველოპმენტის მიმართულებით სწავლებისა და გადამზადების შესაძლებლობას სთავაზობს. გარდა ამისა, ახლადგახსნილ სივრცეში გაიმართება სემინარები და ვორქშოპები.
Bitfury-ისა და ბიზნესისა და ტექნოლოგიების უნივერსიტეტს შორის თანამშრომლობა მიმდინარე წლის დასაწყისში დაიწყო. Bitfury-ის საქართველოში წარმომადგენლის ეფრემ ურუმაშვილის განმარტებით, ამ დროისთვის Bitfury-ში 200-მდე ქართველია დასაქმებული. მისივე თქმით, ბიზნესისა და ტექნოლოგიების უნივერსიტეტი რეგიონში ყველაზე მოწინავე და მაღალტექნოლოგიური უნივერსიტეტია და სწორედ ამიტომ გადავწყვიტეთ მასთან თანამშრომლობა.
„ დარწმუნებული ვარ, რომ ეს ყველაფერი ქართულ საგანმანათლებლო სფეროში ინოვაციური ტექნოლოგიების შემოტანის კუთხით ძალიან მნიშვნელოვანი იქნება. ბიზნესისა და ტექნოლოგიენის უნივერსიტეტს კი ვუყურებთ, როგორც ჩვენი სამომავლო პროექტების პარტნიორს,“ – განაცხადა ეფრემ ურუმაშვილმა.
Bitfury-ისა და ბიზნესისა და ტექნოლოგიების უნივერსიტეტს შორის არსებული თანამშრომლობის შედეგად, უნივერსიტეტის კურსდამთავრებულების დიპლომების შენახვა ბოლქჩეინ სისტემაში მოხდება.
დატოვე კომენტარი
