გრანთ თორნთონსა და საქართველოს ანგელოზ ინვესტორთა ქსელ აქსელს (Axel) შორის  თანამშრომლობის მემორანდუმს მოეწერა ხელი

გრანთ თორნთონსა და საქართველოს ანგელოზ ინვესტორთა ქსელ აქსელს (Axel) შორის  თანამშრომლობის მემორანდუმს მოეწერა ხელი

24 თებერვალს, საერთაშორისო აუდიტორული და ბიზნეს-საკონსულტაციო კომპანია გრანთ თორნთონსა და საქართველოს ანგელოზ ინვესტორთა ქსელ აქსელს შორის   თანამშრომლობის მემორანდუმი  გაფორმდა. მემორანდუმს ხელი მოაწერეს გრანთ თორნთონის მმართველმა პარტნიორმა ვახტანგ ცაბაძემ, ვიცე მმართველმა პარტნიორმა პაატა შურღაიამ და აქსელის მხრიდან, დამფუძნებელმა გური ქოიავამ და მმართველმა დირექტორმა თათული ოქრიაშვილმა.

ფინანსებზე ხელმისაწვდომობა,  ერთ-ერთი ყველაზე დიდი დაბრკოლებაა საქართველოში ინოვაციური, მასშტაბური ბიზნესის დაწყებისას. ანგელოზი ინვესტორების დახმარება გადამწყვეტი ეტაპია სტარტაპის ზრდისა და წარმატების პოტენციალისათვის. ანგელოზი ინვესტორები სხვადასხვა ქვეყნიდან წარმოადგენენ მეწარმეებს ან წარმატებულ ბიზნეს პროფესიონალებს, რომლებსაც სურთ საკუთარი კაპიტალი და დრო ჩადონ სტარტაპებში მათი განვითარების საწყის ეტაპზე და გაუზიარონ საკუთარი ინვესტირების გამოცდილება.

ანგელოზებს, როგორც წესი, აინტერესებთ მეტი, ვიდრე უბრალოდ ფინანსური უკუგება – ადგილობრივი ეკონომიკური ზრდის წახალისება და ტექნოლოგიურ სტარტაპ ეკოსისტემის მხარდაჭერა არის ის დამატებით მიზეზები, რის გამოც ისინი წყვეტენ, გახდნენ ანგელოზი ინვესტორები, მათთვის მთავარი მიზანია ახალი იდეების, ინოვაციების და ტექნოლოგიების ევოლუცია. შესაბამისად, საქართველოში ბიზნეს ანგელოზის ინვესტიცია შეასრულებს  ფუნდამენტურ როლს ქვეყნის სამეწარმეო დაფინანსების ეკოსისტემაში.

თანამშრომლობის ფარგლებში, გრანთ თორნთონ საქართველო უზრუნველყოფს აქსელის პორტფოლიოში არსებული სტარტაპების სათანადო განვითარებას ფინანსების, ბიზნესის დაგეგმვისა, თუ სხვა ღირებულების შექმნის თვალსაზრისით.  გრანთ თორნთონი აქტიურად ითანამშრომლებს აქსელის ქსელში გაწევრიანებულ სტარტ-აპებსა და ინვესტორებთან. გრანთ თორნთონის საკონსულტაციო ჯგუფი დაეხმარება სტარტაპებს ინვესტიციების მოზიდვის თითოეულ ეტაპზე სწორად დაგეგმონ ნაბიჯები და გააკეთონ საჭირო ანალიზი, რათა იდეები მაქსიმალურად სტრუქტურულად წარუდგინონ ინვესტორებს, გაუწიონ მათ სამართლებრივი თუ სხვა კონსულტაციები, მათ შორის, ხელშეკრულებების მომზადება, გადახედვა, მოლაპარაკებებში მონაწილეობა, წარმომადგენლობა და სხვ.

ერთის მხრივ გრანთ თორთონი ხელს შეუწყობს ინვესტორებს საინვესტიციო პროექტების ანალიზში და დაეხმარება გადაწყვეტილების მიღებაში, მეორეს მხრივ – სტარტაპერებს გაუზიარებს გამოცდილებას პროექტების გამართვაში, ინვესტორის მოსაზიდად პროცესების გაუმჯობესებაში და სხვადასხვა საკონსულტაციო საკითხებში. სტარტაპების გრძელვადიანი წარმატების მხარდასაჭერად, გრანთ თორნთონის პროფესიონალთა გუნდი უზრუნველყოფს ფინანსური და საგადასახადო აღრიცხვის მეთოდოლოგიების შემუშავებას კონკრეტული ბიზნეს მოდელის შესაბამისად. ამასთან, ფინანსური მოდელირების საფუძველზე ხარჯების ოპტიმიზაციის ხელშეწყობას და მომავალში განსახორციელებელი პროექტების ბიუჯეტირებას.

აქსელის შესახებ

აქსელი, საქართველოს ბიზნეს ანგელოზთა ქსელი, უკვე 50-ზე მეტ საერთაშორისო და ადგილობრივ ანგელოზ ინვესტორს აერთიანებს და პირველი სინდიკატირებული ინვესტიცია უკვე შედგა.

ქსელი 2021 წლის ივნისში დაარსდა და მიზნად ისახავს, ხელი შეუწყოს საქართველოს ტექნოლოგიური სტარტაპ ეკოსისტემის განვითარებას, ყველაზე დიდი პოტენციალის მქონე ქართველ მეწარმეებში ჭკვიანი ფულის ინვესტირების ფასილიტაციით.

2021 წლის დეკემბრიდან, აქსელი ევროპის ბიზნეს ანგელოზთა ქსელის (EBAN) წევრია.

გრანთ თორნთონის შესახებ

გრანთ თორნთონი მსოფლიოს ერთ-ერთი წამყვანი დამოუკიდებელი აუდიტორული და ბიზნეს საკონსულტაციო კომპანიების საერთაშორისო ქსელია. გრანთ თორნთონის წევრი ფირმები პროფესიონალური რჩევებით ეხმარებიან დინამიკურ ორგანიზაციებს საკუთარი სტრატეგიული ამბიციების განხორციელებაში. გრანთ თორნთონის გუნდის წევრები, პარტნიორთა ხელმძღვანელობით,  მაქსიმალურად იყენებენ საკუთარ ცოდნასა და გამოცდილებას იმისათვის, რომ კარგად გაიაზრონ საჯარო, თუ კერძო კომპანიების წინაშე მდგარი გამოწვევები და დაეხმარონ მათ პრობლემების გადაწყვეტაში. გრანთ თორნთონის 62,000 თანამშრომელი, 140 ქვეყანაში მუშაობს იმისათვის, რომ იყოს გამორჩეული კლიენტების, კოლეგებისა და საზოგადოებისათვის.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.