კახა შენგელია მსოფლიო უნივერსიტეტების კონსორციუმის საბჭოს წევრად აირჩიეს

კახა შენგელია მსოფლიო უნივერსიტეტების კონსორციუმის საბჭოს წევრად აირჩიეს

კავკასიის უნივერსიტეტის პრეზიდენტი, კახა შენგელია მსოფლიო უნივერსიტეტების კონსორციუმის მმართველი საბჭოს წევრად აირჩიეს.

16 ნოემბერს, მსოფლიო უნივერსიტეტების კონსორციუმის ორგანიზებით, ოფიციალურად გაიხსნა საერთაშორისო კონფერენცია თემაზე – მომავლის განათლება. კონსორციუმის მმართველი საბჭოს სხდომის შეხვედრაზე, რომელიც კონფერენციის ფარგლებში გაიმართა, კავკასიის უნივერსიტეტის პრეზიდენტი ამ თანამდებობაზე სამი წლის ვადით აირჩიეს.

საერთაშორისო კონფერენციის მონაწილეებს მისასალმებელი სიტყვით მიმართა უნივერსიტეტთა პრეზიდენტების საერთაშორისო ასოციაციის პრეზიდენტმა, კახა შენგელიამ. კონფერენციის მონაწილეები იყვნენ: ცნობილი პროფესორები მსოფლიოს სხვადასხვა ქვეყნიდან, უნივერსიტეტებისა და არასამთავრობო ორგანიზაციების წარმომადგენლები, პოლიტიკოსები და სტუდენტები.

საერთაშორისო კონფერენციაზე კავკასიის უნივერსიტეტის პრეზიდენტს რეკომენდაცია გაუწიეს მომავალ გენერალურ ასამბლეაზე აირჩიონ მსოფლიო ხელოვნებისა და მეცნიერების აკადემიის ნამდვილ წევრად, 2018 წლის გაზაფხულზე. მსოფლიო ხელოვნებისა და მეცნიერების აკადემიის ნამდვილი წევრობა სამუდამოდ განისაზღვრება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.