მილიარდერმა მაკენზი სკოტმა მასწავლებელზე იქორწინა

მილიარდერმა მაკენზი სკოტმა მასწავლებელზე იქორწინა

მილიარდერმა და ფილანთროპმა მაკენზი სკოტმა კიდევ ერთხელ იქორწინა. 2019 წელს მსოფლიოს უმდიდრეს ადამიანთან, ჯეფ ბეზოსთან გაყრის შემდეგ, სკოტი სიეტლელ მასწავლებელს დენ ჯიუვიტს გაჰყვა ცოლად.

„მე დავქორწინდი ერთ-ერთ ყველაზე გულუხვ და კეთილ ადამიანზე, და შევუერთდი მას, რათა დიდი ფინანსური რესურსებით გავუწიო სხვებს დახმარება“, -დაწერა ჯიუვიტმა.

როგორც ცნობილია, მაკენზი სკოტი თავის ოთხ შვილთან და მეუღლე დენთან ერთად სიეტლში იცხოვრებს.

ცნობისთვის, ორი წლის წინ მაკენზი სკოტი ჯეფ ბეზოსს 25-წლიანი თანაცხოვრების შემდეგ გაეყარა. ამ გაყრას მსოფლიოში ყველაზე ძვირად ღირებული გაყრა უწოდეს. განქორწინების შედეგად მაკენზი სკოტმა Amazon-ის აქციების ნაწილი მიიღო. ახლა მისი ქონება $53 მილიარდს შეადგენს.

თუმცა, მაკენზი სკოტმა მილიარდობით დოლარი უკვე შესწირა ქველმოქმედებას. მაგალითად, გასული წლის დეკემბერში მან 384 ორგანიზაციას $4.2 მილიარდის ოდენობის თანხა გადაურიცხა. ხელახლა ქორწინების შემდეგ სკოტმა განაცხადა, რომ მისი ფილანთროპიული გეგმები არ იცვლება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *