აეროპორტებში მგზავრთნაკადი იზრდება

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მონაცემებით, 2018 წლის ორი თვის განმავლობაში, საქართველოს აეროპორტების მიერ, რეგულარული და ჩარტერული რეისების შედეგად გადაყვანილ იქნა 500 709 მგზავრი, რაც 34.38 %-ით აღემატება 2017 წლის ანალოგიურ პერიოდში გადაყვანილი მგზავრების რაოდენობას (372 619 მგზავრი). 

მგზავრთნაკადის ზრდის მაღალი მაჩვენებლები დაფიქსირდა საქართველოს სამივე საერთაშორისო აეროპორტში: 

2018 წლის 2 თვის განმავლობაში, თბილისის საერთაშორისო აეროპორტი 433 202 მგზავრს მოემსახურა, რაც 37.54%-ით (118 231 მგზავრით) მეტია, ვიდრე 2017 წლის იანვარ-თებერვალში გადაყვანილი მგზავრების რაოდენობა (314 971 მგზავრი); 

ქუთაისის საერთაშორისო აეროპორტში მგზავრთნაკადი 6.69%-ით გაიზარდა. სულ გადაყვანილ იქნა 48 890 მგზავრი - 3 064 მგზავრით მეტი ვიდრე 2017 წლის პირველი ორი თვის განმავლობაში; 

ბათუმის საერთაშორისო აეროპორტის მეშვეობით 18 129 მგზავრი იქნა გადაყვანილი, რაც 67.06%-ით (7 277 მგზავრით) მეტია 2017 წლის ანალოგიური პერიოდის მაჩვენებელზე; 

2018 წლის ორი თვის მონაცემებით, საქართველოს აეროპორტებში 470 რეისით მეტი განხორციელდა ვიდრე 2017 წლის ანალოგიურ პერიოდში. მონაცემები ასე გამოიყურება: სამგზავრო და სატვირთო რეისების რაოდენობა სულ - 2 652, აქედან რეგულარული რეისების რაოდენობაა 2 395, ხოლო ჩარტერების 257. წინა წლის ანალოგიურ პერიოდში განხორციელებული რეისების რაოდენობასთან შედარებით, ზრდა 21.54%-ს შეადგენს. 

8.63%-ით იმატა საქართველოს საჰაერო სივრცის გამოყენების მაჩვენებელმა. 2017 წლის ორი თვის მონაცემებით ერთეული გადაფრენების რაოდენობა იყო 19 727, ხოლო წელს, ორი თვის განმავლობაში, საქართველოს საჰაერო სივრცეში 21 430 ერთეული.

ჩვენ გირჩევთ

შრომის უსაფრთხოების ფილოსოფიური ქვა

ნუ გაანადგურებთ ახალ ბუმს

შრომის უსაფრთხოების ფილოსოფიური ქვა

შრომის უსაფრთხოების ფილოსოფიური ქვა

აეროპორტებიმგზავრთნაკადი თბილისის საერთაშორისო აეროპორტი

წინა სტატია

ყველაზე მეტი ბიზნესსუბიექტი თბილისში რეგისტრირდება
13 March, 2018

შემდეგი სტატია

ისრაელიდან ფულადი გზავნილები 96%-ით გაიზარდა
13 March, 2018
უნიკალური პროექტი გუდაურის სამთო-სათხილამურო კურორტზე - “მაუნთინ რეზორტს სოლუშანსის“ წარმატების ისტორია
ინტერვიუ | Jan, 08, 2021
Life Without Limits
Forbes Georgia in English | Jan, 14, 2021
2021 წლის ყველაზე ძლიერი პასპორტები მსოფლიოში - რომელ ადგილზეა საქართველო?
ახალი ამბები ქართულად | Jan, 14, 2021
Forbes Georgia in EnglishForbes WomanForbes Banker