როგორ მოხვდა 23 წლის ქართველი ახალგაზრდა Google-ში?

Google-მა კიდევ ერთი ქართველი ახალგაზრდა დაასაქმა. საუბარია 23 წლის ზაურ მეშველიანზე. ის მსოფლიო საძიებო სისტემის მიუნხენის ოფისში იმუშავებს. 

ზაურ მეშველიანი, რომელმაც თავისუფალი უნივერსიტეტის კომპიუტერული მეცნიერების და მათემატიკის საბაკალავრო პროგრამა დაამთავრა, Google-ში პროგრამული უზრუნველყოფის ინჟინრად იმუშავებს, თუმცა სტუდენტობიდან მსოფლიოს ერთ-ერთ წამყვან კომპანიამდე, მან სამუშაო გამოცდილება რამდენიმე ტექნოლოგიურ კომპანიაში დააგროვა. 

„კომპანია Justi Venture-ში ნახევარ გააკვეთზე ვმუშაობდი C++ Developer-ად. მიწევდა Desktop აპლიკაციის წერა. ასევე, ვიყავი ნახევარ განაკვეთზე Rubean-შიც Security Software Engineer-ად 2019-ის აპრილიდან 2020-ის ივნისამდე, მიწევდა MPOS დანადგარებისთვის (მობილური გადახდის აპარატებისთვის) PIN-ის უსაფრთხო შეყვანის უზრუნველყოფა“, – აღნიშნა ზაურ მეშველიანმა Forbes Georgia-სთან საუბრისას. 

როგორც ზაური ამბობს, Google-ში მუშაობის დაწყება მისთვის კარიერულ განვითარებას ნიშნავს და იმედი აქვს, რომ ეს გამოცდილება მისთვის სასურველ უნივერსიტეტში ჩააბარებაში დაეხმარება, თუმცა ჯერ არ ასახელებს კონკრეტულ სასწავლებელს, სადაც ცოდნის გაღრმავებას გეგმავს.

23 წლის პროგრამული უზრუნველყოფის ინჟინერი Google-ში დასაქმების პროცედურებზეც გვიყვება: 

„Linkedin-ზე მომწერა Google-ის რეკრუტერმა, შემომთავაზა, რომ დაგვეწყო ინტერვიუების სერია. პირველ ინტერვიუზე ამავე რეკრუტერმა დამისვა მარტივი ტექნიკური კითხვები. მეორე ტურიც დისტანციურად ჩამიტარდა, რომელიც გავიარე Google-ის თანამშრომელ დეველოპერთან; მქონდა 45 წუთი ერთი ალგორითმული ამოცანის გადასაჭრელად. ამოცანა უნდა ამომეხსნა მაქსიმალურად ოპტიმალურად, ამეხსნა ინტერვიუერისთვის და დამეწერა არაკომპილირებადი კოდი, რომელიც მაქსიმალურად ახლოს იყო მუშა კოდთან. 

მესამე ტური უკვე ტარდება ადგილზე, Google-ის რომელიმე ოფისში, ჩემ შემთხვევაში მიუნხენში. მიყოლებით ტარდება ხუთი ინტერვიუ, თითოეული გრძელდება 45 წუთს. ამ ხუთიდან ოთხი ინტერვიუ არის ტექნიკური ხასიათის და ერთი ქცევითი - სადაც კითხვები დამისვეს ძირითადად სამუშაო გამოცდილებაზე -  რა პრობლემები შეგქმნია? როგორ გადაჭერი? ამ სიტუაციაში რას იზამდი? და ა.შ.“, – აღნიშნა უკვე Google-ის თანამშრომელმა. 

აღსანიშნავია, რომ ზაური იმუშავებს Chrome OS Security & Privacy-ის გუნდში Software Engineer-ის პოზიციაზე. 

ცნობისთვის: Google-ის სათაო ოფისი კალიფორნიაში მდებარეობს, თუმცა ყველაზე მსხვილ და პოპულარულ საძიებო სისტემას ოფისები მსოფლიოს არაერთ ქვეყანაში აქვს.

ჩვენ გირჩევთ

Microsoft-ი: Internet Explorer-ის ერა დასასრულს მიუახლოვდა

2 ტრილიონამდე ზრდის შემდეგ, Apple-ის აქციები კიდევ შეიძლება გაიზარდოს

Microsoft-ი: Internet Explorer-ის ერა დასასრულს მიუახლოვდა

Microsoft-ი: Internet Explorer-ის ერა დასასრულს მიუახლოვდა

წინა სტატია

Microsoft-ი: Internet Explorer-ის ერა დასასრულს მიუახლოვდა
26 August, 2020

შემდეგი სტატია

ეროვნული ბანკის რეფორმები სავალუტო ბაზარზე
27 August, 2020
საქართველოს 150 ყველაზე შემოსავლიანი კომპანია
რეიტინგი | Oct, 01, 2020
ქართული სტარტაპების რეიტინგი მოზიდული ინვესტიციებით
რეიტინგი | Oct, 05, 2020
ყველაზე ცუდი გარიგება
მოსაზრება | Oct, 03, 2020
Forbes Georgia in EnglishForbes WomanForbes Banker