ფინეთს მსოფლიოში ყველაზე ახალგაზრდა მოქმედი პრემიერ-მინისტრი ეყოლება

ფინეთს მსოფლიოში ყველაზე ახალგაზრდა მოქმედი პრემიერ-მინისტრი ეყოლება

34 წლის სანა მარინი, ფინეთის ტრანსპორტისა და კავშირგაბმულობის ყოფილი მინისტრი, სულ მალე შევა ისტორიაში, როგორც ქვეყნის ყველაზე ახალგაზრდა პრემიერი.

მარინი პრემიერის პოსტისთვის სოციალ-დემოკრატიულმა პარტიამ შეარჩია, მას შემდეგ, რაც ფინეთის ყოფილმა პრემიერ-მინისტრმა პოსტი დატოვა. ფინეთის ისტორიაში მარინი მესამე ქალი პრემიერ-მინისტრია და საქმიანობას მომავალი კვირიდან შეუდგება.

მარინი რეპორტიორებთან მომავალ გეგმებზე საუბრობს და ერთ-ერთ ყველაზე მნიშვნელოვან თემად კოალიციის შიგნით ნდობის აღდგენას ასახელებს.

მარინი პოლიტიკაში 27 წლის ასაკში მოვიდა და მშობლიურ ქალაქ ტამპერეში ქალაქის საბჭოს ხელმძღვანელობდა.

წყარო: Business Insider

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.