ქართული Entrée ლონდონშიც გამოჩნდა

ქართული Entrée ლონდონშიც გამოჩნდა

ქართული რესტორნების ქსელმა Entrée-მ ლონდონში პირველი კაფე გახსნა. ამის შესახებ ინფორმაცია კომპანიამ სოციალურ ქსელში გაავრცელა.

„კეთილი იყოს თქვენი მობრძანება „ანტრე ლონდონში“, სულ რამდენიმე კვირაში ჩვენი პირველი ლოკაცია ნოთინგ ჰილ გეითის #138-ში სიხარულით მოგემსახურებათ“, – წერენ „ფეისბუკზე“.

დიდი ბრიტანეთი Entrée-ისთვის რიგით მეორე უცხოური ბაზარია. ქართულ კომპანიას რესტორნები აზერბაიჯანის დედაქალაქშიც აქვს. კერძოდ, ბაქოში ხუთი კაფე ფუნქციონირებს. საქართველოში კი Entrée-ს რესტორნები მხოლოდ თბილისშია, სადაც სულ 15 რესტორანი მუშაობს.

ცნობისთვის, „ანტრეს“ ფინანსური ანგარიშგების მიხედვით, 2018 წლის განმავლობაში კომპანიის მთლიანი შემოსავალი 16.47 მლნ ლარს შეადგენდა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.