TBC აზერბაიჯანის ბაზარზე ფართოვდება და ადგილობრივი ბანკის წილს ყიდულობს

TBC აზერბაიჯანის ბაზარზე ფართოვდება და ადგილობრივი ბანკის წილს ყიდულობს

TBC ბანკის შვილობილმა JSC TBC Bank-მა, ხელი მოაწერა ხელშეკრულებას Nikoil Bank-თან, რომელიც აზერბაიჯანში ბანკის ბიზნესის გაფართოვებას ისახავს მიზნად. 

კერძოდ, ხელშეკრულების მიხედვით, ბანკის აზერბაიჯანული შვილობილი TBC Kredit-ი Nikoil Bank-ის წილის მფლობელი ხდება. შერწყმისთვის ბანკს რეგულატორის თანხმობა სჭირდება, რის შემდეგაც Nikoil Bank-ის 10%-ის მფლობელი გახდება.  

თიბისი წარმოდგენილი იქნება Nikoil Bank–ის მენეჯმენტში. ამასთან, ბანკი გეგმავს, რომ გამოიყენოს ის გამოცდილება, რომელიც მას ქართულ ბაზარზე აქვს, რათა ხელი შეუწყოს აზერბაიჯანულ ბაზარზე Nikoil Bank-ის ზრდას.  

უახლოეს 3 წელში კი თიბისი Nikoil ბანკში საკუთარი წილის გაზრდას გეგმავს 50%-ს +1-ის პრინციპით, რათა აქციების უმრავლესობის მფლობელი გახდეს.  

Nikoil Bank კერძო მფლობელობაში არსებული ბანკია, რომელიც აზერბაიჯანის მომხმარებელს ყველა სახის საბანკო მომსახურებას სთავაზობს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *