Twitter-ის შემოსავლებმა 2019 წლის ბოლო კვარტალში $1.01 მლრდ-ს მიაღწია

Twitter-ის შემოსავლებმა 2019 წლის ბოლო კვარტალში $1.01 მლრდ-ს მიაღწია

Twitter-ის შემოსავლებმა 2019 წლის მეოთხე კვარტალში 1.01 მლრდ დოლარს მიაღწია. ეს პირველი შემთხვევაა, როდესაც ამ სოციალური ქსელის კვარტალურმა შემოსავალმა მილიარდს გადააჭარბა.

თუმცა, Twitter-ის წმინდა მოგება 2019 წლის მეოთხე კვარტალში 119 მლნ დოლარი იყო, მაშინ როდესაც 2018 წლის მეოთხე კვარტალში ამ რიცხვმა 255 მლნ დოლარი შეადგინა.

გასული წლის ბოლო კვარტალში Twitter-ის საშუალო ყოველდღიური აქტიური მონეტიზებული მომხმარებლების რაოდენობა 152 მილიონამდე გაიზარდა, 2018 წელს ეს მაჩვენებელი 126 მლნ-ს შეადგენდა, რაც იმაზე მეტყველებს, რომ მათი რაოდენობა მზარდია.

Twitter-ი 2006 წელს დაარსდა, იგი განსხვავებული სოციალური ქსელი და ერთგვარი მიკრობლოგია, რომელსაც თავისი ნიშა აქვს დაკავებული. Twitter-ი მარტივია გამოსაყენებლად, უფრო საქმიანია და ნაკლებად იწვევს დამოკიდებულებას. Twitter-ის აქტიურ მომხმარებელთა რიცხვი დაახლოებით 321 მილიონია.

წყარო: TechCrunch

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.