უმდიდრესი იაპონელის ქონება 29 მლრდ დოლარამდე გაიზარდა

უმდიდრესი იაპონელის ქონება 29 მლრდ დოლარამდე გაიზარდა

პანდემიის პირობებში, მსოფლიოში თითქმის ყველა მაღაზია დაიხურა, რამაც სავაჭრო ბაზარზე არაერთ ბიზნესს უდიდესი ზარალი მიაყენა, მათ შორისაა ტანსაცმლის ისეთი ბრენდებიც, როგორებიცაა J.C. Penney, Sears to Debenham-ი და Neiman Marcus-ი. თუმცა, რეგულაციების შემსუბუქებასთან ერთად, მყიდველი ბრუნდება, რაც აზიის ქვეყნებში უფრო შესამჩნევია. ამის შესახებ Forbes-ი წერს.

იაპონიის უმდიდრესი ადამიანი, ტადაში იანაი, რითეილ-კომპანია Fast Retailing-ის მეპატრონეა, აღნიშნული კომპანიის მფლობელობაშია ცნობილი ბრენდი Uniqlo. Uniqlo-ში მყიდველების დაბრუნებით, Fast Retailing-ის აქციები მარტთან შედარებით 53%-ით გაიზარდა. ხოლო თავად ტადაში იანაის ქონებამ მარტის შემდეგ $9.2 მილიარდით მოიმატა; ამჟამად, მისი სიმდიდრე $29 მილიარდს უდრის. მიუხედავად იმისა, რომ Fast Retailing-ის საკუთრებაში ბევრი სხვა მაღაზიაცაა, $21.3 მილიარდიანი შემოსავლის 80% Uniqlo-დან მოდის.

Uniqlo-ს გაყიდვების ზრდაში დიდი როლი ითამაშა მაღაზიის მიერ შეთავაზებულმა ივნისის სიახლემ – AIRism-ის პირბადეების ხაზმა. ამასთან, მაღაზიებში ხალხი ბრენდის სამოსის სიიაფემ მიიზიდა.

თუმცა, მიუხედავად ამისა, ვერც ეს შემოსავლიანი კომპანია გაექცევა პანდემიის მიერ მიყენებულ ზიანს. 31 აგვისტოსთვის, Fast Retailing-ი ვარაუდობს, რომ კომპანიის შემოსავალი 9%-ით შემცირდება.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.