საქართველოში გამოშვებული საგადახდო ბარათების რაოდენობა შემცირდა

საკრედიტო ბარათების გამოშვება ბოლო რამდენიმე წლის განმავლობაში პირველად შემცირდა.

საქართველოში კომერციული ბანკების მიერ გამოშვებული საგადახდო ბარათების რაოდენობა შემცირდა. ეროვნული ბანკის მონაცემებით, გასული წლის IV კვარტალში გამოშვებული ბარათების რაოდენობა წლიურად 18%-ით, ხოლო კვარტლურად კი 2%-ით შემცირდა და 7.4 მლნ შეადგინა.

გამოშვებული ბარათებიდან ყველაზე დიდი წილი Master Card-ზე მოდის - მთლიანი მოცულობის 56%, მას მოსდევს VISA 26%-ით და Local 9%-ით. მთლიანი მოცულობის 8% მოდის UPI-ზე, ხოლო დარჩენილი 1% კი AmEx-ზე.

საანგარიშო პერიოდში შემცირდა როგორც სადებეტო, ასევე საკრედიტო ბარათების გამოშვების მაჩვენებელი. კერძოდ, საკრედიტო ბარათების გამოშვება 3%-ით შემცირდა წლიურად, ხოლო სადებეტოსი კი 19%-ით. აღსანიშნავია, რომ საკრედიტო ბარათების გამოშვება ბოლო 3 წლის განმავლობაში პირველად შემცირდა.

სულ 2018 წლის განმავლობაში ქართული ბარათებით განხორციელდა 242 მილიონი ოპერაცია თანხობრივად 23.6 მილიარდი ლარი. აქედან რაოდენობის 72% და თანხის 29% არის განხორციელებული სავაჭრო მომსახურების ობიექტებში განლაგებული პოს- ტერმინალებით, ხოლო დანარჩენი (28% და 71% შესაბამისად) არის ნაღდი ფულის გატანის ოპერაციები ბანკომატებიდან და პროვაიდერის პოს- ტერმინალებიდან.

წინა (2017) წლის მეოთხე კვარტალთან შედარებით სავაჭრო/მომსახურების ობიექტებში გადახდის ოპერაციების რაოდენობა გაიზარდა 51%-ით რაოდენობრივად და 61%-ით თანხობრივად. რაც შეეხება ნაღდი ფულის გატანის ოპერაციებს, მისი რაოდენობა გაიზარდა 9%-ით და თანხა 11%-ით.
ტრადიციულად მზარდი ტენდენცია ნარჩუნდება ინტერნეტ გადახდების კუთხით. IV კვარტალში სულ ქართული ბარათებით შესრულდა 14 მლნ ინტერნეტ-გადახდა; თანხობრივად 857 მლნ ლარი.

2017 წლის IV კვარტალთან შედარებით ინტერნეტ–გადახდების რაოდენობა გაიზარდა 144%-ით და თანხა 161%-ით.

ჩვენ გირჩევთ

რატომ ვერ იბრუნებს ბრიტანეთი დიდებას?

ბიძინა ივანიშვილის ქონება წლების მიხედვით

რატომ ვერ იბრუნებს ბრიტანეთი დიდებას?

რატომ ვერ იბრუნებს ბრიტანეთი დიდებას?

წინა სტატია

ეკონომიკის ზრდის ტემპით საქართველო მსოფლიოში 47-ე ადგილზეა
10 აპრილი, 2019

შემდეგი სტატია

TBC უზბეკური Payme-ის აქციების საკონტროლო პაკეტს $5.5 მილიონად ყიდულობს
10 აპრილი, 2019
საქართველოს ყველაზე მოგებიანი კომპანიების ასეული
რეიტინგი | აგვ, 29, 2019
2020 წელს დაგეგმილი დღგ-ის მნიშვნელოვანი ცვლილებების პირველადი ანალიზი
ეკონომიკა | აგვ, 26, 2019
100,000 ლარზე მაღალი წლიური ხელფასი საქართველოში მოსახლეობის მხოლოდ 0.21%-ს აქვს
ეკონომიკა | აგვ, 22, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა