ოქტომბერში საბანკო სესხების მოცულობა 64.6 მილიონი ლარით გაიზარდა

ოქტომბერში საქართველოს კომერციული ბანკების მიერ გაცემული სესხების მოცულობა 64.6 მილიონი ლარით გაიზარდა. ლარში გაცემული სესხები 11 მილიონი ლარით შემცირდა, ხოლო დოლარში გაცემული სესხები 75.6 მილიონი ლარით გაიზარდა. საერთო სესხებში დოლარში გაცემული სესხების წილი 64.3%-ზე დაფიქსირდა. 2015 წლის პირველ ათ თვეში ლარში გაცემული სესხების მოცულობა ჯამში 552 მილიონი ლარით გაიზარდა. დოლარში გაცემული სესხები 2 260 მილიონი ლარით გაიზარდა. თუმცა, ზრდა ძირითადად ლარის კურსის გაუფასურებითაა გამოწვეული, თუ დოლარში დავიანგარიშებთ, უცხოური ვალუტით გაცემული სესხები მხოლოდ 33.4 მილიონი დოლარით არის გაზრდილი.

გასულ თვეში ვადაგადაცილებული სესხების მოცულობა 57.6 მილიონი ლარით გაიზარდა და 393 მილიონი ლარის მიაღწია. აბსოლუტურ მაჩვენებლით ეს რეკორდულია მოცულობაა. თუმცა, მთლიანი საკრედიტო პორტფელის მიმართ ვადაგადაცილებული სესხების მოცულობა 2.5%-ია, რაც საგანგაშო მაჩვენებელი არ არის. გასულ წლებში აღნიშნული მაჩვენებელი ბევრჯერ ყოფილა 2.5%-ზე მეტი.

ოქტომბერში ეროვნული ვალუტით გაცემულ სესხებზე საშუალო წლიური საპროცენტო განაკვეთი 0.7% პუნქტით შემცირდა და 19.9% შეადგინა. ამასთან, ფიზიკურ პირებზე ლარში გაცემულ სესხებზე განაკვეთი 1.3% პუნქტით შემცირდა და 23.3%-ს მიაღწია. დოლარში გაცემულ სესხებზე განაკვეთი 0.7% პუნქტით შემცირდა და 10.2%-ს გაუტოლდა.

წინა სტატია

ჩემი ვიდეო.ge
25 ნოემბერი, 2015

შემდეგი სტატია

ლარში განთავსებული დეპოზიტები ისევ შემცირდა
25 ნოემბერი, 2015
QNET’s vision
ინტერვიუ | ოქტ, 02, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბიძინა ივანიშვილის ქონება ერთ კვირაში $80 მილიონით შემცირდა
ახალი ამბები ქართულად | ოქტ, 11, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა