20 ყველაზე უსაფრთხო ავიაგადამყვანი მსოფლიოში | AirlineRankings-ის რეიტინგი

20 ყველაზე უსაფრთხო ავიაგადამყვანი მსოფლიოში | AirlineRankings-ის რეიტინგი

რამდენიმე დღის წინ, საავიაციო ინდუსტრიის პლატფორმა AirlineRankings.com-მა ყველაზე უსაფრთხო ავიაგადამყვანების ყოველწლიური სია გამოაქვეყნა. სიაში მსხვილ, ცნობილ ავიახაზებთან ერთად, ნაკლებად ცნობილი, ბიუჯეტური ავიაკომპანიებიც მოხვდნენ.

აუცილებლად უნდა აღინიშნოს, რომ გასული წელი ავიაინდუსტრიისთვის განსაკუთრებით მნიშვნელოვანი გამოდგა. კოვიდთან დაკავშირებული შეზღუდვების მოხსნის შემდეგ, შეიძლება ითქვას, რომ 2022 წელს საჰაერო მიმოსვლა სრული ტემპებით აღდგა. თითქმის ორწლიანი შეჩერების შემდეგ, ავიახაზების უმთავრესი გამოწვევა პილოტებისა და ეკიპაჟის წევრების ჩვეულ ფორმაში დაბრუნება და საოპერაციო სერვისების განხორციელება გახლდათ. უსაფრთხოების კუთხით ამ ასპექტებზე ყურადღების გამახვილება უმნიშვნელოვანეს პრიორიტეტად იქცა.

შესაბამისად, რეიტინგის შედგენისას AirlineRankings.com-მა რამდენიმე ცვლადი გაითვალისწინა. მათ შორის იყო ეკიპაჟის საშუალო ასაკი, ინციდენტების რაოდენობა, ფატალური შემთხვევები, სამთავრობო და კერძო აუდიტების შედეგები და უსაფრთხოების კუთხით ინდუსტრიის წამყვანი ინიციატივები.

2023 წლის ყველაზე უსაფრთხო ავიაგადამყვანად ავსტრალიური Qantas-ი დასახელდა. მან გასული წლის ლიდერი, Air New Zealand-ი ჩაანაცვლა. Qantas-ი წლის ყველაზე უსაფრთხო ავიაკომპანია 2014, 2015, 2016, 2017, 2019, 2020 და 2021 წლებშიც გახდა.

საინტერესოა, რომ ოცეულში რამდენიმე ამერიკული ავიაკომპანიაც შევიდა: Alaska Airlines-ი, Hawaiian Airlines-ი, United Airlines-ი, American Airlines-ი და Delta Air Lines-ი.

20 ყველაზე უსაფრთხო ავიაგადამყვანის რეიტინგს უცვლელად გთავაზობთ:

  1. Qantas
  2. Air New Zealand
  3. Etihad Airways
  4. Qatar Airways
  5. Singapore Airlines
  6. TAP Air Portugal
  7. Emirates
  8. Alaska Airlines
  9. EVA Air
  10. Virgin Australia/Atlantic
  11. Cathay Pacific Airways
  12. Hawaiian Airlines
  13. SAS
  14. United Airlines
  15. Lufthansa/Swiss Group
  16. Finnair
  17. British Airways
  18. KLM
  19. American Airlines
  20. Delta Air Lines
დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *