ფოტო: Krisztian Bocsi/Bloomberg
Forbes-მა ამერიკის 300 ყველაზე სანდო კომპანიის ყოველწლიური რეიტინგი გამოაქვეყნა. სიის სათავეში, ზედიზედ მეორე წელია, ტექნოლოგიური კომპანია Nvidia-ა მოქცეული, მეორე ადგილზე Marriott International-ია, ხოლო მესამეზე – Delta Air Lines-ი.
რეიტინგი კომპანიების მომხმარებლების, თანამშრომლების, ფინანსური ბაზრებისა და კრედიტორების მხრიდან ნდობის შეფასებას ეფუძნება. Forbes-მა 2 500-ზე მეტი კომპანია სხვადასხვა კრიტერიუმით შეაფასა და შედეგების გამოსათვლელად შეწონილი ქულებისა და სტატისტიკური მეთოდები გამოიყენა.
ნდობა ბიზნესისთვის მნიშვნელოვანი ფაქტორია: PwC-ის კვლევის მიხედვით, აშშ-ში კომპანიების ხელმძღვანელთა 90% მიიჩნევს, რომ მომხმარებლები მათ კომპანიებს მაღალი ნდობით ეკიდებიან, თუმცა მომხმარებელთა მხოლოდ 30% ეთანხმება ამ შეფასებას. Salsify-ის კვლევით კი, მომხმარებელთა 68%-ს პროდუქტში უფრო მაღალი ფასი გადაუხდია იმის გამო, რომ კონკრეტულ ბრენდს სხვებზე მეტად ენდობოდა.
Forbes-ის რეიტინგის პირველ ათეულში ტექნოლოგიურ, ტურიზმის, ავიაციის, საცალო ვაჭრობის, კვებისა და სადაზღვევო სექტორების წარმომადგენლები მოხვდნენ:
| ადგილი | კომპანია | ინდუსტრია | აღმასრულებელი დირექტორი |
|---|---|---|---|
| 1 | NVIDIA | ნახევარგამტარები, ელექტრონიკა, ელექტროინჟინერია | ჯენსენ ჰუანგი |
| 2 | Marriott International | ტურიზმი და დასვენება | ენტონი კაპუანო |
| 3 | Delta Air Lines | ტრანსპორტი და ლოგისტიკა | ედ ბასტიანი |
| 4 | Chick-fil-A | სწრაფი კვების რესტორნები | ენდრიუ ტ. ქეთი |
| 5 | Costco Wholesale | საცალო და საბითუმო ვაჭრობა | რონ ვაჩრისი |
| 6 | H-E-B Grocery Company | საცალო და საბითუმო ვაჭრობა | ჰოვარდ ბატ III |
| 7 | Travelers | დაზღვევა | ალან დ. შნიცერი |
| 8 | Wegmans Food Markets | სურსათის მაღაზიები / სუპერმარკეტები | კოლინ ვეგმანი |
| 9 | Berkshire Hathaway | ინჟინერია და წარმოება | გრეგორი ედვარდ აბელი |
| 10 | Publix Super Markets | საცალო და საბითუმო ვაჭრობა | კევინ მერფი |
Forbes Georgia-ს აღმასრულებელი რედაქტორი
