საქსტატის ინფორმაციით, 2019 წლის აპრილში საქართველოდან ევროკავშირში 80 მლნ დოლარის საქონელი გავიდა, რაც 148%-ით (48 მლნ დოლარით) მეტია 2018 წლის აპრილის მაჩვენებელზე. ექსპორტის ასეთი მაღალი მაჩვენებლით ზრდა ძირითადად ბულგარეთმა და რუმენეთმა განაპირობა. მიმდინარე წლის აპრილში ბულგარეთში 41 მლნ დოლარის საქონელი გავიტანეთ, რაც 3-ჯერ (31 მლნ დოლარით) მეტია გასული წლის აპრილის მონაცემზე. რუმინეთში 14 მლნ დოლარის საქონელი გავიტანეთ, როცა 2018 წლის აპრილში მხოლოდ 156 ათასი აშშ დოლარის ექსპორტი განხორციელდა. 3 მლნ დოლარით გაიზარდა ექსპორტი იტალიაში, 2.5 მლნ დოლარით გაერთიანებულ სამეფოში, 1.4 მლნ დოლარით გერმანიაში. მცირედით შემცირდა ექსპორტი ესპანეთში, ნიდერლანდებში და საფრანგეთში, ჯამში 4.6 მლნ დოლარით.
4 თვის ჯამში, იანვარ-აპრილში, საქართველოს ექსპორტი ევროკავშირში 14%-ით არის გაზრდილი და ჯამში 276 მლნ დოლარი შეადგინა.
აპრილში დსთ-ის ქვეყნებში ექსპორტი 26%-ით გაიზარდა. რუსეთში ექსპორტი 36%-ით (11 მლნ დოლარით), უკრაინაში 63%-ით (9 მლნ დოლარით) და უზბეკეთში 165%-ით (5.6 მლნ დოლარით) გაიზარდა.
ევროკავშირის და დსთ-ს ქვეყნების გარდა, სხვა ქვეყნებში, აპრილში საქართველოს ექსპორტი 4%-ით (3 მლნ დოლარით) შემცირდა. რაც ძირითადად აშშ-ში, ჩინეთში და შვეიცარიაში ექსპორტის შემცირებამ განაპირობა.
ცხრილი: საქართველოს ექსპორტი ევროკავშირში, მლნ დოლარი
| 2019, აპრილი | 2018, აპრილი | ცვლილება |
ევროკავშირი | 80 | 32 | 47.9 |
ბულგარეთი | 40.8 | 10.2 | 30.7 |
რუმინეთი | 13.8 | 0.2 | 13.6 |
იტალია | 5.0 | 2.2 | 2.9 |
გერმანია | 4.0 | 2.6 | 1.4 |
გაერთიანებული სამეფო | 3.5 | 1.0 | 2.5 |
ლიეტუვა (ლიტვა) | 3.3 | 2.0 | 1.2 |
ნიდერლანდი | 2.4 | 4.1 | -1.8 |
ესპანეთი | 1.2 | 2.6 | -1.3 |
საფრანგეთი | 0.9 | 2.4 | -1.6 |
