მსოფლიოს 10 ქვეყანა, რომლის ეკონომიკაც 2017 წელს ყველაზე მეტად გაიზრდება

ეთიოპიის ეკონომიკა 2017 წელს მსოფლიოში ყველაზე მეტად გაიზრდება, - მსოფლიო ბანკის მონაცემებით, ქვეყნის მშპ-ს ზრდის ტემპი 2017 წელს 8,3% იქნება. შედარებისთვის - გლობალური ეკონომიკის ზრდის პროგნოზი მიმდინარე წლისთვის 2,7%-ია.

დასავლეთ აფრიკული ქვეყანის ეკონომიკური ზრდის სტიმულირება მთავრობის მიერ ინფრასტრუქტურული პროექტების კუთხით გააქტიურებას უკავშირდება, თუმცა ამ ფონზე ქვეყნის ვალი გაიზარდა და ბოლო ორ წელში მშპ-ს 50%-ს მიაღწია.

მსოფლიო ბანკის პროგნოზით, 2017 წელს მსოფლიოში ვაჭრობა 4%-ით გაიზრდება, წინა წელს კი ეს მაჩვენებელი 2,4% იყო.

2017 წლის პროგნოზით, ყველაზე მეტ ზრდას უმეტესად აფრიკული და აზიური სახელმწიფოები მიაღწევენ.

მსოფლიოში ნომერ მეორე ყველაზე სწრაფად მზარდი ეკონომიკა უზბეკეთია, - ქვეყნის ეკონომიკური ზრდის პროგნოზი 2017 წლისთვის 7,6%-ია, რაც უმეტესად ნავთობის ფასების მატებას უკავშირდება.

მესამე ადგილზე ნეპალია - ქვეყანაში 2017 წელს მსოფლიო ბანკი 7,5%-იან ეკონომიკურ ზრდას პროგნოზირებს. მსოფლიო ბანკი ნეპალში ეკონომიკური ზრდის დაჩქარებას ინდოეთთან სავაჭრო ურთიერთობების ნორმალიზებით ხსნის.

ინდოეთი მეოთხე ადგილს იკავებს 7,2%-იანი ეკონომიკური ზრდით. მიზეზად ექსპორტის და სამთავრობო ხარჯების ზრდა სახელდება. 7,2%-იანი ეკონომიკური ზრდაა მოსალოდნელი ტანზანიაშიც; ჯიბუტის რესპუბლიკასა და ლასოში კი 7%-იანი.

6,9%-ით გაიზრდება ფილიპინების, მეიმარისა და კამბოჯას ეკონომიკები.

რაც შეეხება საქართველოს, - მსოფლიო ბანკი 2017 წელს საქართველოში 3,5%-იან ეკონომიკურ ზრდას პროგნოზირებს. ბანკი საქართველოში 2018 წლისთვის 4%-იან 2019 წლისთვის კი 4,5%-იან ეკონომიკურ ზრდას ვარაუდობს.

წინა სტატია

საზღვარგარეთ რეგისტრირებული ავტომობილების მფლობელის სამოქალაქო პასუხისმგებლობის დაზღვევა სავალდებულო ხდება
13 ივნისი, 2017

შემდეგი სტატია

ბიზნესგაერთიანებები კონსტიტუციაში 94-ე მუხლის შენარჩუნებას მოითხოვენ
13 ივნისი, 2017
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
რამდენი მილიონი ლარის შემოსავალი აქვს Adjarabet-ს
ახალი ამბები ქართულად | სექ, 18, 2020
Forbes Georgia in EnglishForbes WomanForbes Banker