გადასახადის გადამხდელებს 1,5 მილიარდი ლარი ჩამოეწერათ

2017 წლის 6 თვის მონაცემებით, საგადასახადო კოდექსის 309-ე მუხლის 37-ე ნაწილით, 35 381 გადამხდელს ჯამში 1 584 985 987 ლარი ჩამოეწერა.

შემოსავლების სამსახურის მონაცემებით, ავტომატურად დაკმაყოფილდა 41 გადასახადის გადამხდელის მოთხოვნა და დაბრუნებულმა თანხამ 3 422 300 ლარი შეადგინა.

საგადასახადო კოდექსში შეტანილი ცვლილებების შედეგად, საგადასახადო კოდექსის 309-ე მუხლის 37-ე ნაწილი ჩამოყალიბდა ახალი რედაქციით, რომლის შესაბამისად ჩამოწერას დაექვემდებარა:

ა) 2005 წლის 1 იანვრამდე წარმოშობილი და ამ ქვეპუნქტის ამოქმედებამდე  გადაუხდელი საგადასახადო დავალიანების თანხა, თუ პირს თანხის ჩამოწერამდე აქტივობები არ უფიქსირდება;  

ბ) 2009 წლის 1 იანვრამდე წარმოშობილ აღიარებულ საგადასახადო დავალიანებაზე დარიცხული საურავი და 2009 წლის 1 იანვრამდე დარიცხული აღიარებული ჯარიმა, აღიარებული გადასახადის თანხის გადახდის პირობით, თუ პირს თანხის ჩამოწერამდე  აქტივობები არ უფიქსირდება;

გ) საკონტროლო სალარო აპარატის გამოყენების წესების დარღვევისათვის ფიზიკური პირისათვის 2013 წლის 1 იანვრამდე დაკისრებული/დარიცხული და ამ ნორმის ამოქმედებამდე გადაუხდელი ჯარიმა.

გადასახადები შემოსავლების სამსახური საგადასახადო კოდექსი

წინა სტატია

ლარის მოცულობამ 7 მილიარდს გადააჭარბა
27 ივლისი, 2017

შემდეგი სტატია

თბილისის ქონება
28 ივლისი, 2017
"ქვეყნები დროს კარგავენ" - WHO-ს საყვედური
ახალი ამბები ქართულად | მარ, 26, 2020
არა, თქვენ არ გჭირდებათ პირბადეები კორონავირუსისგან თავის დასაცავად - Forbes
ახალი ამბები ქართულად | მარ, 02, 2020
ებრაელი ნობელის პრემიის ლაურეატი: კორონავირუსის გავრცელების ტემპი მცირდება
ახალი ამბები ქართულად | მარ, 20, 2020
Forbes Georgia in EnglishForbes WomanForbes Banker