მიუხედავად იმისა, რომ ბოლო პერიოდში მსოფლიოს საფონდო ბირჟები მნიშვნელოვნად დაეცა, ორ უდიდესი ეკონომიკის მქონე ქვეყანას დედამიწაზე ახლა უფრო მეტი მილიარდერი ჰყავს, ვიდრე გასულ წელს. თუმცა, Forbes-ის მილიარდერთა სიაში წელს მილიარდერთა რიცხვი 2 153-დან 2095-მდე შემცირდა. მათგან ნახევარი კი ჩინეთზე ან აშშ-ზე მოდის.
ქვეყნების სიაში, სადაც ყველაზე მეტი მილიარდერი ცხოვრობს, აშშ-ი ლიდერობს 614 მილიარდერით. 2019 წელს შვიდით ნაკლები მილიარდერი იყო ამერიკაში. მსოფლიოს უმდიდრესი ადამიანი, ჯეფ ბეზოსიც ხომ აშშ-ის მოქალაქეა.
მეორე ადგილზე ჩინეთია 389 მილიარდერით. ჩინეთის მილიარდერთა საერთო ქონება $1,2 ტრილიონია, რაც 22%-ით მეტია 2019 წელთან შედარებით.
რაც შეეხება ჩინეთისა და აშშ-ის გარდა სხვა ქვეყნებს, ათეულიდან შვიდ ქვეყანაში მილიარდერთა რაოდენობამ წელს გასულ წელთან შედარებით იკლო. მათ შორის არის გერმანია, ინდოეთი, ბრაზილია და საფრანგეთი.
რეგიონულ ჭრილში კი ყველაზე მეტი მილიარდერი აზია-წყნარი ოკეანის რეგიონშია, სადაც 778 მილიარდერი ცხოვრობს, გასულ წელს 768-ი იყო მათი რაოდენობა. კანადასა და ლათინური ამერიკის რეგიონში კი ერთად 1120 მილიარდერია, რომელთაც საერთო ჯამში $427 მილიარდის ოდენობის ქონება აქვთ. Forbes-ის მიხედვით, ახლო აღმოსავლეთსა და აფრიკაში ერთად 72 მილიარდერი ცხოვრობს.
რაც შეეხება ქვეყნების ათეულს, სადაც ყველაზე მეტი მილიარდერია, სია ასე გამოიყურება:
- აშშ – 614 მილიარდერი
მილიარდერთა საერთო ქონება: $2,9 ტრილიონი
უმდიდრესი ადამიანი: ჯეფ ბეზოსი ($113 მილიარდი)
- ჩინეთი – 389 მილიარდერი
მილიარდერთა საერთო ქონება: $1,2 ტრილიონი
უმდიდრესი ადამიანი: ჯეკ მა ($48 მილიარდი)
- გერმანია – 107 მილიარდერი
მილიარდერთა საერთო ქონება: $447 მილიარდი
უმდიდრესი ადამიანი: ბეატ ჰაისტერი ($33 მილიარდი)
- ინდოეთი – 102 მილიარდერი
მილიარდერთა საერთო ქონება: $313 მილიარდი
უმდიდრესი ადამიანი: მაკეშ ამბანი ($36,8 მილიარდი)
- რუსეთი – 99 მილიარდერი
მილიარდერთა საერთო ქონება: $385 მილიარდი
უმდიდრესი ადამიანი: ვლადიმირ პოტანინი ($19,7 მილიარდი)
- ჰონგ-კონგი – 66 მილიარდერი
მილიარდერთა საერთო ქონება: $300 მილიარდი
უმდიდრესი ადამიანი: ლი შაუკი ($28,1 მილიარდი)
- ბრაზილია – 45 მილიარდერი
მილიარდერთა საერთო ქონება: $127 მილიარდი
უმდიდრესი ადამიანი: ჟოზეფ საფრა ($19,9 მილიარდი)
- დიდი ბრიტანეთი – 45 მილიარდერი
მილიარდერთა საერთო ქონება: $153 მილიარდი
უმდიდრესი ადამიანი: ლენ ბლავატნიკი ($17 მილიარდი)
- კანადა – 44 მილიარდერი
მილიარდერთა საერთო ქონება: $143 მილიარდი
უმდიდრესი ადამიანი: დევიდ თომსონი ($31,6 მილიარდი)
- საფრანგეთი – 39 მილიარდერი
მილიარდერთა საერთო ქონება: $304 მილიარდი
უმდიდრესი ადამიანი: ბერნარ არნო ($76 მილიარდი).
