საზღვარგარეთ დასაქმებულთა მიერ საქართველოში გადმორიცხული თანხები 2017 თებერვალში, წინა წლის თებერვალთან შედარებით, 18%-ით (14.3 მლნ დოლარით) გაიზარდა. თებერვალში სულ 94 მლნ დოლარი გადმოირიცხა.
იანვარ-თებერვალში ფულადი გზავნილები 32 მლნ დოლარით (22%-ით) გაიზარდა და ჯამში 178 მლნ დოლარი შეადგინა.
საზღვარგარეთიდან ფულადი გზავნილების ზრდა მნიშვნელოვანწილად რუსეთიდან, ისრაელიდან, აშშ-დან, თურქეთიდან, საბერძნეთიდან და იტალიიდან ჩამორიცხვების ზრდამ განაპირობა. მიმდინარე წლის თებერვალში 2016 წლის თებერვალთან შედარებით, რუსეთიდან ჩამორიცხვები 5.3 მლნ დოლარით (21%-ით) გაიზარდა, ისრაელიდან 3.6 მლნ დოლარით (91%-ით), აშშ-დან და თურქეთიდან შესაბამისად 2.7 და 1.4 მლნ დოლარით გაიზარდა.
ცხრილი: ქვეყნები, საიდანაც ფულადი გზავნილების ყველაზე მნიშვნელოვანი ზრდა დაფიქსირდა:
მლნ დოლარი | თებერვალი, 2016 | თებერვალი, 2017 | ზრდა |
რუსეთის ფედერაცია | 25.0 | 30.3 | 5.3 |
ისრაელი | 4.0 | 7.6 | 3.6 |
აშშ | 4.9 | 7.6 | 2.7 |
თურქეთი | 8.8 | 10.2 | 1.4 |
საბერძნეთი | 9.3 | 10.1 | 0.8 |
იტალია | 9.7 | 9.9 | 0.2 |
