Nexia TA - წლის კომპანია 2017

ნექსია თიეიმ Nexia International-ის ყოველწლიურ სამიტზე - მსოფლიოს 115-ზე მეტი ქვეყნის 650-ზე მეტ ოფისს შორის წლის კომპანიის ტიტული მიიღო.

ეს ტიტული ნექსიამ განსაკუთრებულად სწრაფი და ეფექტური ზრდისა და განვითარების, ქართული ბიზნესის მხარდაჭერის, ნექსიას ქსელის კომპანიებთან აქტიური თანამშრომლობისა და Nexia Inernational-ის აქტივობებში მაღალი ჩართულობის გამო დაიმსახურა. 

ნექსია თიეის მმართველი პარტნიორის, ბორის მეგრელიშვილის თქმით, წლის კომპანიის ტიტულის მოპოვებაში გადამწყვეტი როლი ითამაშა ნექსია თიეის აქტიურობამ საერთაშორისო ასპარეზზე, ნექსიას წევრ კომპანიებთან მუდმივმა თანამშრომლობამ, ერთობლივი პროექტების განხორციელებამ ბრიტანეთის, გერმნაიის, იტალიის, მალტისა და სხვა ოფისებთან, როგორც ადგილობრივ, ასევე საერთაშორისო ბაზარზე.

„მსოფლიო მასშტაბის ეს გამარჯვება, მთელი საქართველოს წარმატებაა და უამრავ ახალ შესაძლებლობას სთავაზობს კომპანიას, რასაც ნექსია თიეი აუცილებლად გამოიყენებს ქართული ბიზნესის განვითარებისთვის“ - განაცხადა ნექსია თი ეის მმართველმა პარტნიორმა დავით ლომიძემ.

იმ ფონზე, რომ ქართული ოფისი სულ რაღაც 3 წლის წინ შეუერთდა ნექსიას ქსელს, წლის საუკეთესო კომპანიის ტიტული კიდევ ერთხელ ხაზს უსვამს ნექსია თიეის გუნდის პროფესიონალიზმს.

კომპანიის დაარსებისთანავე მენეჯმენტმა დაიწყო ზრუნვა იმისათვის, რომ შეექმნა ყველაზე მაღალკვალიფიციური, გამოცდილი და პროფესიონალი გუნდი, რომელიც კომპანიას მისცემდა შესაძლებლობას საუკეთესო ხარისხის მომსახურება შეეთავაზებინა მომხმარებლისთვის და ღირსეული კონკურენცია გაეწია ბაზარზე უკვე არსებული, საკმაოდ ძლიერი მოთამაშეებისთვის.

2017 წლის შემოდგომას ლონდონის სათაო ოფისიდან წარმატებით გავლილი ხარისხის კონტროლიც მეტყველებს იმაზე, რომ მენეჯმენტის მიზანი მიღწეულია და ნექსია თიეი არის კომპანია, რომელსაც საქართველოში საუკეთესო ხარისხის მომსახურების შეთავაზება შეუძლია მომხმარებლისთვის.

სწორედ ეს გუნდი, რომლის შექმნაშიც მენეჯმენტმა რესურსი არ დაზოგა, არის კომპანიის ძირითადი აქტივი და მთავარი კონკურენტული უპირატესობა ქართულ ბაზარზე.

Nexia International-ის აღმასრულებელი დირექტორის, კევინ არნოლდსის განცხადებით ყოველწლიურად უფრო და უფრო რთულია გადაწყვეტილების მიღება, თუ ვინ გახდება წლის საუკეთესო კომპანია, თუმცა 2017 წელს ეს ტიტული მიიღო ფირმამ, რომლის ჩართულობა და წვლილი Nexia International-ის განვითარებაში მარტივად, რომ ვთქვათ შეუდარებელია.

თუმცა, სანამ კომპანია საერთაშორისო ასპარეზზე წარდგებოდა საქართველოს სახელით, ადგილობრივ ბაზარზეც არანაკლებ მნიშვნელოვან წარმატებებს მიაღწია. 2016 წლის ოფიციალური მონაცამებით ნექსია თიეი საქართველოში მოქმედ, მსოფლიო ათეულში შემავალ აუდიტორულ კომპანიებს შორის მეორე ადგილზე იყო ბუღალტერიის მიმართულებით. გაიმარჯვა ინფრასტრუქტურის მშენებელთა და საქართველოს ბიზნეს დისტრიბუტორთა ასოციაციების მიერ პარტნიორი აუდიტორული კომპანიის შესარჩევად გამოცხადებულ კონკურსებში, სადაც ასევე მსოფლიო ათეულში შემავალი კომპანიები იღებდნენ მონაწილეობას.

ნექსია თიეის პრიორიტეტია საქართველოში ბიზნესის განვითარება და ამ მიზნით მუდმივად სთავაზობს ინოვაციებს ქართული ბიზნეს სექტორის წარმოამდგენლებს. ნექსია აკადემიის ფარგელბში, რომელიც 2016 წელს დაარსდა, ბიზნესის წარმომადგენლებს აქვთ შესაძლებლობა პერმანენტულად გაეცნონ სიახლეებს საერთაშორისო და ადგილობრივ ბაზარზე  და კანონმდებლობაში განხოციელებულ ცვლილებებს, მომზადებული შეხვდნენ ამ ცვლილებებთან დაკავშირებულ გამოწვევებსა და შესაძლებლობებს - ამ გზით ნექსია თიეი ამართლებს ნექსიას სლოგანს “Closer to you”.

ზემოთ აღნიშნულის ნათელი მაგალითია ნექსია თიეის მიერ სექტემბერში ორგანიზებული მასშტაბური კონფერენცია საქართველოში ერთ-ერთი ყველაზე ახალი და აქტუალური საკითხის -  სატრანსფერო ფასწარმოქნის შესახებ, რომელსაც ქართველ სპეციალისტებთან და შემოსავლების სამსახურის წარმომადგენლებთან ერთად Nexia International-ის იტალიისა და გერმანიის ოფისების ექსპერტები უძღვებოდნენ.

სწორედ ჩამოთვლილმა წარმატებებმა და ნექსია თიეის გუნდის თავდაუზოგავმა შრომამ განაპირობა, რომ პირველად საქართველოში, ქართულმა კომპანიამ მსოფლიოს მასშტაბით  წლის საუკეთესო კომპანიის ტიტული მოიპოვა.

შედეგმაც არ დააყოვნა, როგორც ნექსია თიეის მმართველი პარტნიორი გელა მღებრიშვილი აღნიშნავს, წამოვიდა დაინტერესება არაერთი ქვეყნის წარმომადგენლის მხრიდან საქართველოში ინვესტირების თაობაზე, კონკრეტული შემოთავაზებების დონეზე და ნექსია თიეის უკვე აქვს ქართული ბიზნესის წარმომადგენლებისთვის სრული მხარდაჭერის შესაძლებლობა პირდაპირი ინვესტიციების მოძიებასა და პარტნიორებთან კომუნიკაციაში.

წინა სტატია

ნდობა ბანკებისადმი საქართველოსა და მსოფლიოში
29 ნოემბერი, 2017

შემდეგი სტატია

“Nenskra will be the largest hydro power construction in the region”
29 ნოემბერი, 2017
გული და ნება
ფორბს-მოსაზრება | ნოე, 21, 2017
ახალი საფეხური სამშენებლო დეველოპმენტში
კომპანიები | ნოე, 21, 2017
ხარისხის, მდგრადი განვითარებისა და ფუფუნების სინთეზი
კომპანიები | ნოე, 14, 2017
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა