ევროკავშირში თითქმის ორჯერ მეტი პროდუქცია გაგვაქვს, ვიდრე რუსეთში

2018 წლის პირველი ნახევრის (იანვარ-ივნისის) საგარეო ვაჭრობის სტატისტიკის მიხედვით, ევროკავშირში ქართული პროდუქციის ექსპორტმა 368 მილიონი დოლარი შეადგინა, რაც ამავე პერიოდში რუსეთის ფედერაციაში შეტანილი ქართული პროდუქციის ჯამურ ღირებულებას 1.8-ჯერ (80%-ით) აღემატება. ამასთან, ევროკავშირის მიმართულებით ექსპორტი უფრო სწრაფად იზრდება, ვიდრე რუსეთის მიმართულებით. მიმდინარე წლის პირველ ნახევარში, ევროკავშირში საქართველოს ექსპორტი 21%-ით გაიზარდა, ხოლო რუსეთში 10%-ით.

ევროკავშირის ბაზარზე გატანილი ქართული პროდუქციის ღირებულება 2004 წლიდან 2018 წლამდე, ყოველწლიურად აღემატება რუსეთში ექსპორტირებულ პროდუქციას. ბოლო 11 წელიწადში, 2007-2017 წლებში, ევროკავშირის ბაზარზე 3.5-ჯერ მეტი (3.6 მილიარდი დოლარით მეტი) ღირებულების პროდუქცია გავიტანეთ, ვიდრე რუსეთის ფედერაციაში.

გასათვალისწინებელია ისიც, რომ ევროკავშირის ეკონომიკა რუსეთის ეკონომიკაზე 12-ჯერ დიდია. ასევე, ევროკავშირში 3.5-ჯერ მეტი ადამიანი ცხოვრობს, ვიდრე რუსეთში. საქართველოს ევროკავშირთან თავისუფალი ვაჭრობის ხელშეკრულება აქვს (თუმცა, ქართული კვების პროდუქტების ევროკავშირის ბაზარზე დაშვება თანდათანობით ხდება), რუსეთთან კი არა. საშუალო და გრძელვადიან პერსპექტივაში, ევროკავშირის ბაზარი ქართულ პროდუქციისთვის გაცილებით სტრატეგიულია, ვიდრე რუსული ბაზარი. ეს ნიშნავს, რომ ევროკავშირთან ვაჭრობის გაფართოებით, საქართველოს შეუძლია მნიშვნელოვნად გაზარდოს ექსპორტიდან მიღებული შემოსავალი.

2018 წელს ევროკავშირის ქვეყნებიდან ყველაზე მეტი ღირებულების ქართული პროდუქცია ბულგარეთში შევიდა - 128 მლნ დოლარის. შემდეგ მოდის ლიტვა 29 მლნ დოლარით, საფრანგეთი 28.3 მლნ დოლარით და რუმინეთი 27.8 მლნ დოლარით. ჯამში, ჩამოთვლილ 4 ქვეყანაში მეტი ღირებულების ქართული პროდუქცია იყიდება, ვიდრე რუსეთში.

ცხრილი: ქართული პროდუქციის ექსპორტი ევროკავშირში და რუსეთში, მლნ დოლარებში

წყარო: საქსტატი

ჩვენ გირჩევთ

საბროკერო კომპანიები საფონდო ბირჟაზე

რომელი ქვეყნების ღვინო ფასობს "ძვირად"

საბროკერო კომპანიები საფონდო ბირჟაზე

საბროკერო კომპანიები საფონდო ბირჟაზე

ევროკავშირი საგარეო ვაჭრობა სავაჭრო ბრუნვა

წინა სტატია

შემოსავლიანი სექტორები ბანკებისთვის
19 ივლისი, 2018

შემდეგი სტატია

TOP 10 авиакомпаний на грузинском авиарынке
17 ივლისი, 2018
QNET’s vision
ინტერვიუ | ოქტ, 02, 2018
233 დაგეგმილი პროექტი - ბრენდული სასტუმროები, რომელიც საქართველოში გაიხსნება
ახალი ამბები ქართულად | ოქტ, 16, 2018
ბიძინა ივანიშვილის ქონება ერთ კვირაში $80 მილიონით შემცირდა
ახალი ამბები ქართულად | ოქტ, 11, 2018
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა