SOLO და Erti Gallery თანამშრომლობას იწყებენ

SOLO და Erti Gallery თანამშრომლობას იწყებენ, რაც გულისხმობს Erti Gallery-ს სივრცეში წარმატებული ქართველი ხელოვანების გამოფენების მოწყობას. გალერეაში გამოიფინება ისეთი ქართველი მხატვრების ნამუშევრები, რომლებთანაც გალერეა ექსკლუზიურად თანამშრომლობს.

გალერეის მიზანია ხანგრძლივი და პროდუქტიული თანამშრომლობის დამყარება როგორც ცნობილ, ასევე ახალგაზრდა, დამწყებ ხელოვანებთან, საერთაშორისო დონის კურატორებთან, სახელოვნებო ინსტიტუციებთან. SOLO-სა და Erti Gallery-ს თანამშრომლობის ფარგლებში ერთი წლის განმავლობაში მოეწყობა ხუთი,  საქართველოს სახელოვნებო ისტორიისთვის მნიშვნელოვანი გამოფენა. ყოველი გამოფენის შემდეგ კი გამოიცემა  წიგნი, რომელთა ავტორებიც, მსოფლიოს წამყვანი ხელოვნებათმცოდნეები იქნებიან. ურთიერთთანამშრომლობის შედეგად, Erti Gallery და SOLO პროექტის მიზანია საქართველოს სახელოვნებო სივრცეს მეტი პოპულარიზაცია შესძინოს, ამით კი დამატებითი სტიმული მისცენ მსოფლიოს მაშტაბით ნიჭიერ არტისტებს და ქართული პლატფორმის ქვეშ გააერთიანონ.

"SOLO-ს მიზანია, პატრონაჟი გაუწიოს თანამედროვე ხელოვნების განვითარებას. SOLO-ს სურს, დანერგოს მიდგომა, რომ ხელოვნება არის კარგი ინვესტიცია, გარდა სხვა სტანდარტული გზებისა. სწორედ ხელოვნების განვითარების ხელშეწყობის მიზნით, SOLO-მ საინვესტიციო კოლექციის შეგროვება დაიწყო. ყოველი გამოფენიდან SOLO შეისყიდის ერთ ნამუშევარს, რომელიც კონკრეტული არტისტების შემოქმედების უკეთ გაცნობისა და საქართველოში თანამედროვე ხელოვნების განვითარების  მიზნით  სოლო ლაუნჯებში გამოიფინება",- განაცხადა SOLO Lifestyle-ის ხელმძღვანელმა, ნინო ჩიქოვანმა. 

SOLO-სა და Erti Gallery-ს პარტნიორობით უკვე გაიმართა პირველი ღონისძიება. ხელოვნების ცნობილმა გერმანელმა კრიტიკოსმა ჰაიკე ფილბრუგემ და ნიუ-იორკში მოღვაწე ქართველმა არტისტმა,  ლუკა ლასარეიშვილმა  SOLO Education - ის ფარგლებში  თანამედროვე ხელოვნებისა და ხელოვნებაში ინვესტირების თემაზე სოლოებისთვის სემინარი გამართეს.

ჩვენ გირჩევთ

რა ღირს ცხოვრება?

საქართველოს ბანკმა 'Meliora 2018'!-ის ჯილდოები დაიმსახურა

რა ღირს ცხოვრება?

რა ღირს ცხოვრება?

წინა სტატია

თანხა, რომელსაც ქვეყნები კვლევებსა და განვითარებაზე (R&D) ხარჯავენ
19 დეკემბერი, 2018

შემდეგი სტატია

დასვენება ვალეტაში
19 დეკემბერი, 2018
ნინო ზამბახიძის სიტყვა თეთრ სახლში აშშ-ს პრეზიდენტთან შეხვედრისას
ახალი ამბები ქართულად | თებ, 08, 2019
საქართველოს ბანკმა ისტორიულ შენობაში დაგროვილი ქონების მართვის ახალი ფილიალი გახსნა
საქართველო | იან, 28, 2019
ბაია აბულაძე Forbes 30 Under 30 სიაშია
ახალი ამბები ქართულად | თებ, 12, 2019
Forbes Georgia in EnglishForbes WomanForbes Banker
მილიარდერების რეიტინგი - Real Time
იხილეთ ყველა