ამერიკის ყველაზე ძვირადღირებული საფეხბურთო გუნდები და ფეხბურთელები

მართალია, ამერიკულ პროფესიონალურ სპორტში Major League Soccer-ი ჯერაც პატარა ძმის როლშია, ის მაინც კოლოსალურად იზრდება. MLS-ის საშუალო გუნდის ღირებულება დღეს $185 მილიონია, რაც 2015 წლის შემდეგ 18%-იანი ზრდაა, სამი წლის წინანდელთან შედარებით კი მთლად 80%-იანი! გასულ წელს ლიგამ ახალი სატელევიზიო კონტრაქტები დადო ESPN-თან, Fox-სა და Univision-თან, რითაც ნაციონალური სატელევიზიო უფლებებიდან მიღებული ულუფა, სულ მცირე, გაისამმაგა: ამ წყაროებიდან ის ახლა $90 მილიონს იღებს. პოტენციურ ინვესტორთა შორის გაჩენილი მასობრივი მოთხოვნის შედეგად, გაფართოების სერიოზული გეგმები გაჩნდა. ატლანტასა და მინესოტას გუნდები მომავალ წელს ეყოლება, ლოს-ანჯელესი კი მეორე გუნდს ერთი წლის თავზე შეიძენს. ჯამში, MLS-ი გეგმავს, მომდევნო რამდენიმე წელიწადში, სულ მცირე, 28 გუნდამდე გაფართოვდეს, ანუ 2008 წელთან შედარებით, გუნდების ოდენობა გააორმაგოს.

MLS-ის გუნდების ღირებულების ზრდასთან ერთად, ფეხბურთელთა გასამრჯელომაც იმატა: 2013 წელს, სულ რაღაც ცხრა საფეხბურთო ვარსკვლავი აკეთებდა $1 მილიონს ან მეტს. დღეს მსგავსი შემოსავალი თითქმის 25-მდე მოთამაშეს აქვს.

1. რიკარდო კაკა ORLANDO CITY SC

ეროვნული ნაკრები: ბრაზილია, ასაკი: 34

შემოსავლები: $9.4 მლნ (ხელფასი: $7.4 მლნ, რეკლამებიდან: $2 მლნ)

2. სტივენ ჯერარდი LA GALAXY

ეროვნული ნაკრები: დიდი ბრიტანეთი, ასაკი: 36

შემოსავლები: $8.6 მლნ (ხელფასი: $6.1 მლნ, რეკლამებიდან: $2.5 მლნ)

3. სებასტიან ჯოვინკო TORONTO FC

ეროვნული ნაკრები: იტალია, ასაკი: 29

შემოსავლები: $8.3 მლნ (ხელფასი: $7.3 მლნ, რეკლამებიდან: $1 მლნ)

4. კლინტ დემპსი SEATLLE SOUNDERS FC

ეროვნული ნაკრები: შეერთებული შტატები, ასაკი: 33

შემოსავლები: $8.2 მლნ (ხელფასი: $4.7 მლნ, რეკლამებიდან: $3.5 მლნ)