თბილისში, Superteam Georgia-ს ორგანიზებით, წარმატებით ჩატარდა Solana Build Station Tbilisi — საქართველოში ყველაზე დიდი, 9-დღიანი Web3-ჰაკათონი, რომელიც Solana-ს გლობალური Colosseum Frontier-ჰაკათონის ფარგლებში გაიმართა. ჰაკათონის გლობალური საპრიზო ფონდი 2.5 მილიონ დოლარს შეადგენდა.
ღონისძიების განმავლობაში ყოველდღიურად 45-50-მდე დეველოპერი, დიზაინერი, პროექტის დამფუძნებელი და Web3-სფეროს წარმომადგენელი მუშაობდა საკუთარ პროექტებზე, მენტორების მხარდაჭერითა და საერთო სამუშაო სივრცის ფორმატში.
Build Station Tbilisi-ის მხარდამჭერები იყვნენ წამყვანი ინსტიტუციური და ეკოსისტემური პარტნიორები — Bank of Georgia, Tether და საქართველოს ინოვაციებისა და ტექნოლოგიების სააგენტო (GITA). პარტნიორები 9 დღის განმავლობაში მონაწილეებს სთავაზობდნენ მენტორინგს, პრაქტიკულ შეხვედრებსა და ინდუსტრიულ გამოცდილებას.
ღონისძიების მთავარი მედიაპარტნიორი იყო Forbes Georgia.
დასკვნითი დღე და გამარჯვებულები
Build Station Tbilisi-ის დასკვნით ეტაპზე გაიმართა პროექტების პრეზენტაცია, სადაც 30-მა გუნდმა საკუთარი პროქტები, რომლებიც Solana-ს ბლოკჩეინზე აშენდა, ჟიურის წინაშე წარადგინა.
Superteam Georgia-ს ადგილობრივი მიმართულების გამარჯვებულები:
- Ryvo — 5,000 USDG
- Uwill — 3,000 USDG
- Eventmesh — 2,000 USDG
Tether-ის მიმართულების გამარჯვებულები:
- Stellar — 5,000 USDT
- StableCorp — 3,000 USDT
- Novarite — 2,000 USDT
საღამო Weather Report Sky Bar-ში
ღონისძიების დასკვნითი დღის წინა საღამოს მონაწილეებისთვის, პარტნიორებისა და ეკოსისტემის წარმომადგენლებისთვის გაიმართა დახურული შეხვედრა Weather Report Sky Bar-ში.
შეხვედრამ ერთ სივრცეში გააერთიანა პროექტების დამფუძნებლები, ინვესტორები და Web3-ინდუსტრიის წარმომადგენლები, რაც ახალი თანამშრომლობებისა და პროფესიული კავშირების შექმნის შესაძლებლობა გახდა.
Superteam Georgia-ს შესახებ
Superteam Georgia არის Solana-ს ოფიციალური ჰაბი საქართველოში, რომელიც ადგილობრივ Web3-პროექტების შემქმნელებს ეხმარება განათლების, მენტორინგის, დაფინანსებისა და საერთაშორისო ეკოსისტემასთან კავშირების მიმართულებით.
