G&T წელს ტურიზმიდან მიღებული შემოსავლების $3.4 მილიარდამდე ზრდას პროგნოზირებს

G&T წელს ტურიზმიდან მიღებული შემოსავლების $3.4 მილიარდამდე ზრდას პროგნოზირებს

Galt&Taggart–მ ტურიზმის პროგნოზს გადახედა. მიმდინარე წელს საინვესტიციო ბანკი საქართველოში 4.9 მლნ ტურისტის შემოსვლას პროგნოზირებს, რაც წინა პროგნოზთან შედარებით, 0.4 მლნ ტურისტით შემცირებული მაჩვენებელია.
G&T-ს წინა პროგნოზით, 2019 წელს საქართველოში ტურისტების რაოდენობის წლიური ზრდა 11.4% უნდა ყოფილიყო, ახალი პროგნოზით კი ზრდა 3.5% იქნება. პროგნოზის შემცირების მიზეზი რუსეთის მიერ საჰაერო მიმოსვლაზე დაწესებული შეზღუდვებია.
ამასთან, ბანკმა შეამცირა ტურიზმიდან მიღებული შემოსავლის პროგნოზიც. კერძოდ, G&T ელოდება, რომ წელს საქართველოში ტურიზმიდან მიღებული შემოსავალი 6.9%–ით გაიზრდება და 3.4 მლრდ დოლარს შეადგენს, რაც წინა პროგნოზს 200 მლნ დოლარით ჩამორჩება. სწორედ ამ თანხად შეაფასა ბანკმა რუსული შეზღუდვების გავლენა ტურისტულ შემოსავლებზე.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.