HSBC-ი სამუშაო ადგილებს 35,000-ით ამცირებს

HSBC-ი სამუშაო ადგილებს 35,000-ით ამცირებს

ბრიტანულმა მულტინაციონალურმა ბანკმა HSBC-მ განაცხადა, რომ აპირებს სამუშაო ადგილების 35,000-ით შემცირებას. ბანკმა აღნიშნული გადაწყვეტილება მას შემდეგ მიიღო, რაც 2019 წელს ბანკის შემოსავლებმა მსოფლიოს მასშტაბით 33%-ით იკლო.

კერძოდ, CNN-ის ცნობით, ბანკის თანამშრომელთა რაოდენობა მომავალი სამი წლის განმავლობაში 200,000-მდე შემცირდება.

ბანკის გადაწყვეტილება გლობალური მუშახელის 15%-ით შემცირებასაც გულისხმობს. HSBC-ის გეგმა ასევე ითვალისწინებს 2022 წლის ბოლოსთვის, ბანკის ხარჯების 4.5 მილიარდი დოლარით შეკვეცას.

ბანკი თანხების დაზოგვის მიზნით, ასევე, მსოფლიოს მასშტაბით განყოფილებების გაერთიანებას გეგმავს. HSBC-ი აშშ-ში ფილიალების რაოდენობას 1/3-ით შეამცირებს.

თუმცა, აღსანიშნავია, რომ ლონდონი HSBC-ის ჰაბად დარჩება, ხოლო ბანკი აქცენტს გააკეთებს აზიურ და ახლო აღმოსავლეთის ბაზრებზე, ვინაიდან ბანკმა პოზიციების გამყარება განვითარებად ბაზრებზე გადაწყვიტა.

წყარო: CNN.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.