აშშ-ის სენატმა კელი დეგნანი საქართველოში საგანგებო და სრულუფლებიან ელჩად დაამტკიცა. ამის შესახებ ინფორმაცია სენატის ვებგვერდზე გამოქვეყნდა.
ელჩის პოზიცია ვაკანტური 2018 წლის მარტის შემდეგ გახდა, მას შემდეგ, რაც ყოფილმა აშშ-ს საგანგებო და სრულუფლებიანმა ელჩმა საქართველოში იან კელიმ თავის დიპლომატიური მანდატი დაასრულა.
აღსანიშნავია, რომ კელი დეგნანი მსახურობდა აშშ-ის დიპლომატიური მისიის ხელმძღვანელის მოადგილედ იტალიაში, აღმასრულებელი მდივნის მოადგილედ სახელმწიფო დეპარტამენტში და აშშ-ის დიპლომატიური მისიის ხელმძღვანელის მოადგილედ კოსოვოში.
25-წლიანი კარიერის განმავლობაში, კელი დეგნანი მუშაობდა პოლიტიკურ მრჩევლად ნატოში აშშ-ის წარმომადგენლობაში, უფროსი სამოქალაქო წარმომადგენლის პოზიციაზე ავღანეთში სალერნოს ბრიგადის საბრძოლო ჯგუფში და თურქეთში აშშ-ის დიპლომატიური მისიის პოლიტიკური მრჩევლის მოადგილედ.
მას მიღებული აქვს ჟურნალისტიკის ბაკალავრის ხარისხი ნორსვესტერნის უნივერსიტეტში და სამართლის დოქტორის ხარისხი სამხრეთ კალიფორნიის უნივერსიტეტში.
კელი დეგნანი საუბრობს იტალიურ, ფრანგულ, თურქულ და ურდუს ენებზე.
