Moderna წელს კოვიდ-ვაქცინის გაყიდვებიდან $18.4-მილიარდიან შემოსავალს ელოდება

Moderna წელს კოვიდ-ვაქცინის გაყიდვებიდან $18.4-მილიარდიან შემოსავალს ელოდება

Moderna 2021 წლისთვის კორონავირუსის ვაქცინის გაყიდვებიდან $18.4-მილიარდიან შემოსავალს ელოდება. ეს პირველი შემთხვევა იქნება 2010 წლიდან, ანუ მისი შექმნის დღიდან, როდესაც კომპანია მოგებაზე გავა. ცნობისთვის, აშშ-ში ჯერჯერობით მხოლოდ ორ ვაქცინას აქვს ავტორიზაცია გავლილი – სწორედ Moderna-სა და Pfizer-ის ვაქცინებს.

Moderna-ს აღმასრულებელი ხელმძღვანელის სტეფან ბანსელის თქმით, კომპანია წარმოების მოცულობის გაზრდას აპირებს:  კერძოდ, 2021 წლის ბოლომდე კომპანიაში 700 მილიონიდან 1 მილიარდ დოზამდე წარმოებას გეგმავენ.

გარდა ამისა, კომპანიაში მუშაობენ დამატებით ვაქცინაზე, რომელიც სამხრეთ აფრიკაში დაფიქსირებული შტამის საწინააღმდეგოდ იმოქმედებს. ასევე, Moderna-ს ისეთი ე.წ. მომავალი თაობის ვაქცინების შექმნა სურს, რომელთა შენახვისთვისაც საყინულე არ იქნება საჭირო, რაც დისტრიბუციას გააიოლებს, განსაკუთრებით – განვითარებად ქვეყნებში.

აღსანიშნავია, რომ კომპანიამ უკვე 60 მლნ დოზა ვაქცინის მიწოდება შეძლო და 100 მლნ დოზის წარმოებისთვის საკმარისი მასალა აქვს.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

This site is protected by reCAPTCHA and the Google Privacy Policy and Terms of Service apply.