უკრაინა ჩეხეთისაგან მოდერნიზებულ T-72 ტიპის ტანკებს მიიღებს

უკრაინა ჩეხეთისაგან მოდერნიზებულ T-72 ტიპის ტანკებს მიიღებს

ჩეხეთის პრემიერ-მინისტრის, პეტრ ფიალას მიერ გავრცელებული განცხადებით, უკრაინას მოდერნიზებული T-72 ტიპის ტანკები და Treva-30 ტიპის საევაკუაციო მანქანები გადაეცემა. აღნიშნული ინფორმაცია მას შემდეგ გავრცელდა, რაც ჩეხეთის პრემიერ-მინისტრი Excalibur Army-ის ქარხანას ეწვია, სადაც უკრაინისათვის გადასაცემად შეჯავშნილი სამხედრო ტექნიკის აღდგენა და მოდერნიზება მიმდინარეობს.

მედიაში გავრცელებული ინფორმაციის თანახმად, უკრაინა ჩეხეთისაგან 90 ერთეულ T-72B ტიპის მთავარ საბრძოლო ტანკს მიიღებს. მათი აღდგენისათვის საჭირო 90 მილიონ აშშ დოლარს კი ნიდერლანდები და აშშ დაფარავს.

ჩეხეთის პრემიერ-მინისტრის განცხადებით, სამხედრო თანამშრომლობა ყველას მიზანს ემსახურება. ნატოს მიერ უკრაინის თავდაცვისუნარიანობის გაზრდა გლობალურ უსაფრთხოებასაც გაზრდის. უკრაინაში გასაგზავნი ერთ-ერთი ტანკის ლულაზე პეტრ ფიალამ წარწერაც დატოვა: „უკრაინის მამაც დამცველებს“.

ცნობისათვის, T-72B ტიპის ტანკების შერემონტება და უკრაინისათვის გადაცემა ჩეხეთის რესპუბლიკას, ნიდერლანდებსა და უკრაინას შორის არსებული სამმხრივი კოორდინირებული ძალისხმევის ნაწილია.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *