საქართველოს სტატისტიკის ეროვნული სამსახურის ინფორმაციით, 2018 წელს სახელმწიფო სექტორში (მოიცავს როგორც ადმინისტრაციულ სტრუქტურებს, ასევე სსიპ-ებს, აიპ-ებს და სახელმწიფო კომპანიებს) დასაქმებულთა რიცხვი 16 ათასი კაცით გაიზარდა და 300 ათასი შეადგინა. ჯამში, სახელმწიფო სექტორში დასაქმებულია დასაქმებულთა 17.7%. 2017 წელს ეს მაჩვენბელი 16.6% იყო.
არასახელმწიფო სექტორში დასაქმებულთა რაოდენობა 28.5 ათასით შემცირდა და 1 394 ათასი შეადგინა. უნდა აღვნიშნოთ, რომ არასახელმწიფო სექტორში დასაქმებულებიდან 833 ათასი თვითდასაქმეულია. შესაბამისად, თუ მხოლოდ დაქირავებით დასაქმებულების სტატისტიკას ვნახავთ, სახელმწიფო სექტორში დასაქმების წილი 35%-ია.
ცხრილი: დასაქმებულთა განაწილება საკუთრების ფორმების მიხედვით, ათასი კაცი
| 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | 2017 | 2018 |
სულ | 1,577 | 1,597 | 1,611 | 1,628 | 1,643 | 1,659 | 1,643 | 1,694 | 1,734 | 1,717 | 1,707 | 1,694 |
სახელმწიფო | 321 | 295 | 310 | 302 | 281 | 287 | 252 | 259 | 287 | 272 | 284 | 300 |
არასახელმწიფო | 1,256 | 1,302 | 1,301 | 1,325 | 1,363 | 1,372 | 1,391 | 1,436 | 1,447 | 1,445 | 1,423 | 1,394 |
წყარო: საქსტატი
