საქართველოს ნაკრების 27 წლის ნახევარმცველი, გიორგი ქოჩორაშვილი, საფეხბურთო კარიერას ესპანურ „სევილიაში“ გააგრძელებს. შეგახსენებთ, ქოჩორაშვილმა ბოლო სეზონი ლისაბონის „სპორტინგში“ გაატარა.
ხანგრძლივი მოლაპარაკებების საწყის ეტაპზე ახალ კლუბში ფეხბურთელის იჯარით გადასვლა განიხილებოდა, თუმცა საბოლოოდ გარიგება ტრანსფერზე შედგა. Reuters-ის ინფორმაციის თანახმად, „სევილიამ“ გიორგის სანაცვლოდ 4 მილიონი ევრო გადაიხადა, რასაც ბონუსები დაემატება.
გიორგი ქოჩორაშვილმა სამედიცინო შემოწმება დღეს გაიარა. ამის შემდეგ კი კლუბთან ხელშეკრულებაც გააფორმა, რომელიც 2030 წლის 30 ივნისამდე მოქმედებს. „სევილიამ“ ქოჩორაშვილის დამატებასთან დაკავშირებით სოციალურ ქსელში ვიდეოც გამოაქვეყნა.
𝐄𝐧 𝐒𝐞𝐯𝐢𝐥𝐥𝐚 𝐧𝐮𝐧𝐜𝐚 𝐩𝐞𝐫𝐝𝐞𝐦𝐨𝐬 𝐥𝐚 𝐟𝐞, 𝐆𝐢𝐨𝐫𝐠𝐢 pic.twitter.com/uvjnTKwY8o
— Sevilla Fútbol Club (@SevillaFC) August 21, 2026
