ციურიხის ტექნოლოგიური უნივერსიტეტი ყოველწლიურად აქვეყნებს გლობალიზაციის ინდექსს, რომელიც 200-ზე მეტ ქვეყანას მოიცავს. ინდექსის მაჩვენებლები 3 ძირითად კატეგორიადაა დაყოფილი, რომლებიც მოიცავენ შეფასების სხვადასხვა კრიტერიუმებს. ეკონომიკური გლობალიზაციის დონის განსაზღვრა საერთაშრისო ვაჭრობის და უცხოური კაპიტალის მოძრაობის სხვადასხვა კრიტერიუმების მიხედვით ხდება.
გასულ წელთან შედარებით საქართველოს პოზიცია 3 საფეხურით გაუმჯობესდა და 2016 წლის რეიტინგში მე-16 ადგილს იკავებს. საქართველოს მე-16 ადგილი განაპირობა საერთაშორისო ვაჭრობის ლიბერალურმა პოლიტიკამ და უცხოური კაპიტალის თავისუფლად შემოსვლის შესაძლებლობამ. საქართველოს მაღალი პოზიცია უფრო ეკონომიკური განვითარების პერსპექტივის ამსახველია, ვიდრე მიღწეული განვითარების დონის. 2004 წელს, აღნიშნულ ინდექსში, საქართველო 93-ე ადგილზე იყო.
ეკონომიკური გლობალიზაციის რეიტინგი:
ადგილი | ქვეყანა | ქულა |
1 | სინგაპური | 96.1 |
2 | ირლანდია | 93.1 |
3 | ლუქსემბურგი | 91.8 |
4 | ჰოლანდია | 90.9 |
5 | მალტა | 90.3 |
6 | არაბთა გაერთიანებული საამიროები | 88.4 |
7 | უნგრეთი | 86.9 |
8 | ესტონეთი | 86.1 |
9 | ბელგია | 86.0 |
10 | ბაჰრეინი | 85.5 |
15 | ჩეხეთი | 82.9 |
16 | საქართველო | 82.6 |
17 | ფინეთი | 82.2 |
51 | სომხეთი | 69.7 |
54 | უკრაინა | 68.9 |
77 | აზერბაიჯანი | 61.9 |
107 | თურქეთი | 55.4 |
111 | რუსეთი | 54.9 |
