Apple Music-ის მომხმარებელთა რაოდენობა 3 თვის განმავლობაში 3,5 მილიონით გაიზარდა და 10 მილიონ ადამიანს მიაღწია. წინასწარი პროგნოზების მიხედვით, 2016 წელს Apple-ის მუსიკალური სერვისის აუდიტორია 20 მილიონამდე გაიზრდება.
2015 წლის ოქტომბერში Apple-ის გენერალურმა დირექტორმა, ტიმ კუკმა ერთ–ერთ ინტერვიუში განაცხადა, რომ Apple Music-ის მომსახურებისათვის 6.5 მილიონი მომხმარებელი იხდის საფასურს. დამატებით 8.5 მილიონი იუზერი სერვისს ტესტირების რეჟიმში იყენებს. Apple Music-ის მთავარმა კონკურენტმა Spotify-მ ივნისში განაცხადა, რომ მისი მომხმარებლების რაოდენობა უკვე 20 მილიონს აღწევს.
