Apple-ში დასაქმებულები სექტემბრისთვის ოფისებში ბრუნდებიან

Apple-ში დასაქმებულები სექტემბრისთვის ოფისებში ბრუნდებიან

Apple-ი აპირებს, რომ თანამშრომლები მიმდინარე წლის სექტემბრისთვის ოფისებში დააბრუნოს. როგორც კომპანიის ხელმძღვანელი, ტიმ კუკი, ამბობს, აუცილებელი მოთხოვნა ოფისში, მინიმუმ, სამი სამუშაო დღის დაყოფა იქნება, დარჩენილ ორზე კი თანამშრომლებს არჩევანის უფლება ექნებათ – საქმიანობა ადგილზევე განაგრძონ, თუ დისტანციურად.

კუკი ფიქრობს, რომ Apple-მა წარმატებით გაართვა თავი სახლიდან მუშაობას, თუმცა ის ვერ აღმოჩნდა ოფისსა და თანამშრომლებს შორის უშუალო კოლაბორაციის ჩამნაცვლებელი. „სიმართლე ისაა, რომ წინა წელს რაღაც ძალიან მნიშვნელოვანი დაგვაკლდა – ერთმანეთი“, – წერს იგი.

შეგახსენებთ, რომ Apple-სთვის გასული პერიოდი მართლაც წარმატებული აღმოჩნდა – კომპანიის შემოსავალმა 50%-ით მოიმატა, რაც, უმეტესწილად, მის ყველაზე პოპულარულ პროდუქტზე, iPhone-ზე გაზრდილი მოთხოვნის შედეგია.

რაც შეეხებათ სხვა კომპანიებს, Google-იც – მსგავსად Apple-ისა – კვირაში, სულ მცირე, სამი დღით აპირებს ოფისიდან მუშაობას. თუმცა გიგანტი კომპანიების ნაწილი დაუზუსტებელი ვადით საქმიანობას კვლავ დისტრანციურად განაგრძობს – მათ შორის, Facebook-ი და Twitter-ი.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *