ავიაინდუსტრიაში სამუშაო ადგილები, შესაძლოა, წლის ბოლომდე 0,5 მლნ-ით შემცირდეს

ავიაინდუსტრიაში სამუშაო ადგილები, შესაძლოა, წლის ბოლომდე 0,5 მლნ-ით შემცირდეს

მსოფლიოს მასშტაბით საავიაციო ინდუსტრიაში ბოლო ექვსი თვის განმავლობაში სამუშაო ადგილები 350 000-ზე მეტით შემცირდა. ამის შესახებ Bloomberg-ი წერს. გამოცემის ცნობით, ახალი კვლევის მიხედვით, წინ კიდევ უფრო მტკივნეული გზა ელის ინდუსტრიას, რის შედეგადაც ჯამში ნახევარი მილიონი სამუშაო ადგილი შემცირდება წლის ბოლომდე. საკონსულტაციო ჯგუფის Five Aero-ს თანდამფუძნებლის როულენდ ჰეილერის თქმით, ეს შეეხება აეროპორტებსა და საავიაციო წარმოებასაც.

ცნობისთვის, მხოლოდ აგვისტოში სექტორში 50 000-ზე მეტი სამუშაო ადგილი გაუქმდა.

„ეს კრიზისი ავიაინდუსტრიას გრძელვადიან უზარმაზარ ზიანს მოუტანს. იქიდან გამომდინარე, რომ სექტორი მნიშვნელოვანი მხარდამჭერია ნებისმიერი სხვა ბიზნესის, სამუშაო ადგილების შემცირება ზოგადად ეკონომიკისთვის უდიდესი ზარალი იქნება“, – განაცხადა ჰეილერმა.

ამ ეტაპზე ევროპასა და ჩრდილოეთ ამერიკაში სამუშაო ადგილების შემცირების 80%-ზე მეტის შესახებ უკვე განაცხადეს. აღნიშნულ ორ რეგიონზე 2019 წლის მონაცემებით მგზავრთა ნაკადის 49% მოდიოდა.

რაც შეეხება აზიური კომპანიებს, ისინი შესაძლოა შედარებით ნაკლებად უშვებენ სახლში თანამშრომლებს, თუმცა, აქ გასათვალისწინებელია ის ფაქტიც, რომ ჩინეთი და მსგავსი ქვეყნები არც ასაჯაროებენ ოფიციალურ მონაცემებს. შესაბამისად, ზუსტი სურათი რთულად დასადგენია.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.