Forbes-მა 2026 წლისთვის მსოფლიოს ყველაზე მაღალანაზღაურებადი სპორტსმენების რეიტინგი გამოაქვეყნა. გამოცემის თანახმად, პლანეტის 50-მა ყველაზე მაღალანაზღაურებადმა სპორტსმენმა ბოლო 12 თვეში ჯამურად 4.1 მილიარდი დოლარი გამოიმუშავა, რაც წინა წლის 4.2 მილიარდ დოლართან შედარებით დაახლოებით 3%-ით ნაკლებია.
შემოსავლების კლება ძირითადად NFL-ის ახალი მეგაკონტრაქტების შემცირებას უკავშირდება, თუმცა სპორტსმენების საერთო შემოსავალი მაინც ისტორიაში მეორე ყველაზე მაღალი მაჩვენებელია.
რეიტინგს ზედიზედ მეოთხედ ლიდერობს კრიშტიანუ რონალდუ, რომლის წლიურმა შემოსავალმა 300 მილიონ დოლარს მიაღწია. პორტუგალიელი ფეხბურთელის 235 მილიონი დოლარი უშუალოდ სპორტულ საქმიანობაზე მოდის, ხოლო 65 მილიონი – სარეკლამო კონტრაქტებიდან და ბიზნესაქტივობებიდან.
მეორე ადგილზე მექსიკელი მოკრივე კანელო ალვარესია 170 მილიონი დოლარით, ხოლო მესამეზე – ფეხბურთის არგენტინელი ვარსკვლავი, ლიონელ მესი, რომელმაც საანგარიშო პერიოდში 140 მილიონი დოლარი გამოიმუშავა.
სიაში ყველაზე მეტი წარმომადგენელი კალათბურთს ჰყავს. ტოპ-50-ში NBA-ის 20 მოთამაშე მოხვდა, რაც გასულ წელთან შედარებით ოთხით მეტია. Forbes-ის შეფასებით, NBA-ის ხელფასების მზარდი ზღვარი მომავალ წლებში ლიგის მოთამაშეების შემოსავლებს კიდევ უფრო გაზრდის.
Forbes-ის 2026 წლის რეიტინგში სპორტსმენები 18 ქვეყანასა და 8 სხვადასხვა სპორტს წარმოადგენენ.
2026 წლის 10 ყველაზე მაღალანაზღაურებადი სპორტსმენი
| ადგილი | სპორტსმენი | სპორტი | ქვეყანა | ჯამური შემოსავალი | შემოსავალი მოედანზე | შემოსავალი მოედნის გარეთ |
|---|---|---|---|---|---|---|
| 1 | კრიშტიანუ რონალდო | ფეხბურთი | პორტუგალია | $300 მლნ | $235 მლნ | $65 მლნ |
| 2 | კანელო ალვარესი | კრივი | მექსიკა | $170 მლნ | $160 მლნ | $10 მლნ |
| 3 | ლიონელ მესი | ფეხბურთი | არგენტინა | $140 მლნ | $70 მლნ | $70 მლნ |
| 4 | ლებრონ ჯეიმსი | კალათბურთი | აშშ | $137.8 მლნ | $52.8 მლნ | $85 მლნ |
| 5 | შოჰეი ოტანი | ბეისბოლი | იაპონია | $127.6 მლნ | $2.6 მლნ | $125 მლნ |
| 6 | სტეფენ კარი | კალათბურთი | აშშ | $124.7 მლნ | $59.7 მლნ | $65 მლნ |
| 7 | ჯონ რამი | გოლფი | ესპანეთი | $107 მლნ | $97 მლნ | $10 მლნ |
| 8 | ქარიმ ბენზემა | ფეხბურთი | საფრანგეთი | $104 მლნ | $100 მლნ | $4 მლნ |
| 9 | კევინ დურნატი | კალათბურთი | აშშ | $103.8 მლნ | $54.8 მლნ | $49 მლნ |
| 10 | ლუის ჰამილტონი | ავტორბოლა | დიდი ბრიტანეთი | $100 მლნ | $70 მლნ | $30 მლნ |
