მიმდინარე წლის იანვარ-თებერვალში, გასული წლის იანვარ-თებერვალთან შედარებით, საქართველოს ნაერთი ბიუჯეტის (სახელმწიფო და ადგილობრივი ბიუჯეტების გაერთიანებული დოკუმენტი) საგადასახადო შემოსავლები 14%-ით (185.4 მლნ ლარით) გაიზარდა. თანხობრივად ყველაზე მაღალი ზრდა სხვა არაკლასიფიცირებული გადასახადიდან მიღებულ შემოსავალში არის – 79 მლნ ლარი. შემდეგ მოდის საშემოსავლო გადასახადი და დამატებული ღრებულების გადასახადი (დღგ) 46 და 43 მლნ ლარით. პროცენტულად ყველაზე მეტად ქონების გადასახადიდან მიღებული შემოსავალი გაიზარდა – 113%-ით. შემცირდა მხოლოდ აქციზიდან მიღებული შემოსავალი – 22 მლნ ლარით (10%-ით).
იანვარ-თებერვალში, ნაერთ ბიუჯეტში ჯამში 1 505 მლნ ლარის საგადასახადო შემოსავალი შევიდა. ფინანსთა სამინისტროს კვარტალური გეგმების მიხედვით, 2018 წლის პირველ კვარტალში (იანვარ-მარტი) ნაერთ ბიუჯეტში 2 347 მლნ ლარის საგადასახადო შემოსავალი უნდა შევიდეს. გამოდის, რომ პირველი კვარტლის გეგმის შესასრულებლად მარტში 842 მლნ ლარის საგადასახადო შემოსავლის მიღებაა საჭირო. 2017 წლის მარტში ნაერთი ბიუჯეტის საგადასახადო შემოსავლები 1 057 მლნ ლარი იყო.
ცხრილი: ნაერთი ბიუჯეტის საგადასახო შემოსავლები იანვარ-თებერვალში, მლნ ლარი
| იან-თებ, 2017 | იან-თებ, 2018 | ზრდა, მლნ ლარი | ზრდა, % |
გადასახადები სულ | 1320 | 1505 | 185 | 14% |
სხვა გადასახადები | -128 | -49 | 79 | 62% |
საშემოსავლო გადასახადი | 484 | 531 | 46 | 10% |
დღგ | 684 | 727 | 43 | 6% |
მოგების გადასახადი | 39 | 75 | 36 | 93% |
ქონების გადასახადი | 2.4 | 5.1 | 2.7 | 113% |
საბაჟო გადასახადი | 12.4 | 12.6 | 0.2 | 2% |
აქციზი | 225 | 203 | -22 | -10% |
წყარო: სახელმწიფო ხაზინა
დატოვე კომენტარი
