იელენი: საპენსიო დანაზოგების კრიპტოაქტივებში შენახვა ძალზე სარისკოა

იელენი: საპენსიო დანაზოგების კრიპტოაქტივებში შენახვა ძალზე სარისკოა

ამერიკის შეერთებული შტატების ხაზინის მდივნის, ჯენეტ იელენის აზრით, საპენსიო დანაზოგების კრიპტოაქტივებში შენახვა ძალიან სარისკოა.

„ეს არ არის ის, რასაც პენსიაზე გამსვლელ ადამიანთა უმრავლესობას ვურჩევდი, – აღნიშნა იელენმა The New York Times-ის ღონისძიებაზე, რომელიც ვაშინგტონში გაიმართა. – ჩემთვის, ეს ძალზე სარისკო ინვესტიციაა“.

პარალელურად, ჯენეტ იელენმა კონგრესს პოტენციური საფრთხის აღმოფხვრისაკენ მოუწოდა: მისი თქმით, საკანონმდებლო ორგანომ უნდა დაარეგულიროს, თუ რომელი აქტივები იქნება შესული 401(k)-გეგმის მსგავს საგადასახადო წახალისების მქონე ფინანსურ ინსტრუმენტებში. „არ ვამბობ, რომ ამის რეკომენდაციას გავცემ, მაგრამ ჩემი აზრით, ეს ლოგიკური იქნებოდა“, – განაცხადა იელენმა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *