მთავარი ეკონომიკური მოვლენები - რას უნდა ველოდოთ ამ კვირას?

მთავარი ეკონომიკური მოვლენები - რას უნდა ველოდოთ ამ კვირას?

გასული კვირა იმედიანი ზრდით დაიწყო მსოფლიოს ბაზრებისთვის, თუმცა ამერიკის შეერთებულ შტატებში ახალი კორონოვირუსული შემთხვევების მატების ფონზე, სამივე ძირითადმა ამერიკულმა ინდექსებმა დათმეს პოზიციები. ახალი კოვიდშემთხვევების ზრდამ ქვეყანაში, რამდენიმე შტატს არათუ შეანელებინა ეკონომიკის გახსნის პროცესი, არამედ დააპაუზა კიდეც. ამის ფონზე, ეპლმა დახურა თავისი მაღაზიები რამდენიმე შტატში, ხოლო მაიკროსოფტმა საერთოდ, გამოაცხადა რომ სამუდამოდ დახურავს უკლებლივ ყველა საცალო ობიექტს.

ამ კვირაში რამდენიმე მნიშვნელოვანი სტატისტიკა და მონაცემები გველის: ამერიკის უმუშევრობის მაჩვენებლები, ევროზონის პიემაი, მწარმოებელა ინდექსი რომელიც ერთერთი უმთავრესია და გადავხედავთ ასევე თუ როგორ რეაგირების მსოფლიოში უძრავი ქონების საბინაო სეგმენტი კოვიდ კრიზისზე.

Facebook– ი სრულიად დამსახურებული მიზეზებით დარჩება ამ კვირაში ყურადღების ცენტრში – მიზეზი მარტივია: უნილევერმა, პატაგონიამ და ვერიზოუნმა გამოიხმეს საკუთარი სარეკლამო ბიუჯეტები და შეწყვიტეს კონტრაქტები წლის ბოლომდე, გადაწყვეტილების უმთავრესს მიზეზად სიძულვილის ენის და პოლარიზებული პოლიტიკური შეხედულებების მუდმივი ციტირება დაასახელეს. მსოფლიოს სამი უმსხილესი რეკლამის დამკვეთის გადაწყვეტილებაზე არ დააყოვნა რეაგირება ბაზარმა, და პარასკევს ცაკერბერგის და მსოფლიოს უმსხვილესი სოცქსელის აქციებმა მთელი 8,5% აჩვენა კლება.

1 ივლისს გაეროს ეგიდით და ანტონიო გუტიერეშის გაძღოლით გაიმართება მრგვალი მაგიდა თემაზე „გლობალური ეკონომიკის ხელახლა დაბადება მდგრადი განვითარებისთვის“, რომელსაც მრგვალ მაგიდასთან ვირტუალურად შეკრებილები, მსოფლიოს გამოჩენილი ეკონომისტები დაესწრებიან.

სიახლეებია სტარტაპებისთვის – ევროპის ინოვაციების საბჭო იწვევს სტარტაპებს ყოველთვიურ შეხვედრაზე დასასწრებად, სადაც მათ შესაძლებლობა ექნებათ წარადგინონ იდეები. შეხვედრას ინვესტორებიც დაესწრებიან და ჩნდება ვირტუალური საშუალება დაფინანსების მიღებისაც.

უამრავ ვებინარს შორის ამ კვირაში, მნიშვნელობია ვებინარი „ევროპის საინვესტიციო ბანკი“ (EIB) და „ევროპის სტაბილურობის მექანიზმი“ (ESM) ვებინარს კაპიტალის ბაზრებთან დაკავშირებით 1-2 ივლისს გამართავენ. პირველი დღე მიეძღვნება ცენტრალურ ბანკების და ოფიციალური სტრუქტურების წარმომადგენლებთან შეხვედრას, ხოლო მეორე დღეს ნებისმიერ დაინტერესებულ ინვესტორს ექნება შესაძლებლობა დაესწროს ვებინარს.

მიმდინარე კვირას, ევროკავშირში ბიზნეს კლიმატის და მომხმარებელთა ნდობის შესახებ კვლევის მონაცემები გახდება ცნობილი, რომელიც ივნისში არსებულ განწყობებს ასახავს. გუშინ გაირკვევოდა იაპონის საცალო გაყიდვების ტემპი და დონე, რა მდგომარეოაბშია მსოფლიოს ერთერთი წამყვანი ეკონომიკის საცალო გაყიდვები. დღეს უკვე ჩინეთი PMI გვეცოდინება დღის ბოლომდე, ასევე ბრაზილიის უმუშევრობის სტატისტიკა (წინა თვეში ის 12,6% იყო) და შეერთებული შტატების მონაცემები,რომელიც მაისის შენელებულ გაყიდვებს ასახავს უძრავ ქონებაში.

ამ კვირაში დაიდება: სამხრეთ კორეის სავაჭრო ბალანსის, ექსპორტ-იმპორტის ივნისის თვის მონაცემები გამოქვეყნდება, მაისის თვის ვაჭრობის მონაცემებს გამოაქვეყნებს ჰონგ-კონგი და კანადაც. გარდა ამისა, უმუშევრობის განახლებულ მონაცემებს გამოაქვეყნებს ბრაზილიის გარდა: იაპონია და იტალია. გერმანია კი ივნისის უმუშევრობის მონაცემებს განაახლებს.  გერმანიაში ასევე რითეილ-გაყიდვების მაისის მონაცემებსაც გამოაქვეყნებენ. საინტერესოა ესპანეთის და დიდი ბრიტანეთის მშპ-ის მონაცემებიც, რომელიც წინა წელთან იქნება შედარებული. საფრანგეთის მთავრობა საბიუჯეტო ბალანსს გაასაჯაროვებს, ინდოეთი კი საგარეო ვალის პირველი კვარტლის მონაცემებს გამოაქვეყნებს. გარდა ამისა, მნიშვნელოვანია ასევე მიმდინარე კვირას დაგეგმილი იაპონურ საფონდო ბირჟებზე უცხოური ინვესტიციების მოცულობის გამოქვეყნება და აშშ-ში სატრანსპორტო საშუალებების გაყიდვების შესახებ განახლებული მონაცემები.

და ბოლოს, მიმდინარე კვირას ყველაზე მთავარი ამბავი, რაც ტურიზმთან არის დაკავშირებული ევროკავშირის მიერ საერთაშორისო ვიზიტორებისთვის საზღვრების გახსნა იქნება. თუმცა, ევროპული ბლოკი საზღვრებს 1 ივლისს ყველა ქვეყნისთვის არ გახსნის, მაგალითად რუსეთის, აშშ-ის, ბრაზილიის და ისრაელის მოქალაქეებისთვის კვლავ არ იქნება დაშვებული ევროპაში მოგზაურობა. მიზეზი ამ და სხვა ქვეყნებში კორონავირუსის დღიური შემთხვევების მატების მაღალი დონეა. ხოლო14 ქვეყანას შორის, ვისთანაც ევროკავშირ საზღვრებს ხსნის, საქართველოცაა. სალი კლდეების სამშობლოს გარდა, ეს პატივი კიდევ ერგო ავსტრალია, კანადა, სამხრეთ კორეა, იაპონია, ახალი ზელანდია, რუანდა, ტაილანდი, ურუგვაი, ალჟირი, მაროკო, ტუნისი, მონტენეგრო და სერბეთი. სულ 14 ქვეყანა.

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *