ყველაზე პოპულარული ელექტრომობილები საქართველოში

ყველაზე პოპულარული ელექტრომობილები საქართველოში

წელს საქართველოში 13 Tesla Model S დარეგისტრირდა, მათგან 2 კი 2017 წლის მოდელია. 

საქართველოში ელექტრომობილების იმპორტი იზრდება. მიმდინარე წლის 10 თვეში, ქვეყანაში ჯამში 370 ელექტრო-ძრავიანი ავტომობილი დარეგისტრირდა, გასულ წელს ჯამში 472, ხოლო 2016 წელს კი მხოლოდ 33. ამასთან, 2017 წელს მთლიანი ავტომობილების იმპორტში ელექტრომობილების წილმა 1.2%, ხოლო ჰიბრიდების წილმა 24% შეადგინა.

შინაგან საქმეთა სამინისტროს მონაცემების მიხედვით, საქართველოში ყველაზე პოპულარული Nissan LEAF-ის ელექტრომობილია. მხოლოდ მიმდინარე წელს მსგავსი მოდელის 295 ავტომობილი დარეგისტრირდა. 

2017 წლის დასაწყისიდან ოქტომბრის ბოლომდე პერიოდში, საქართველოში 16 Tesla Model S დარეგისტრირდა, მათგან 13-ის რეგისტრაცია წელს განხორციელდა. Tesla-ს ელექტრომობილების უმეტესობა 2012-2013 წლებისაა, თუმცა წელს საქართველოში 2017 წლის 2 Model S-ის რეგისტრაციაც განხორციელდა. 

2018 წელს საქართველოში შემოსული ელექტრომობილების TOP-ხუთეული შემდეგია: 

  • Nissan LEAF – 295
  • Mitsubishi – 14
  • Tesla Model S – 13
  • Hyundai – 8
  • BMW – 6

დატოვე კომენტარი

დაამატე კომენტარი

თქვენი ელფოსტის მისამართი გამოქვეყნებული არ იყო.