საქართველოს ტურიზმის ეროვნული ადმინისტრაციის ინფორმაციით, 2019 წლის თებერვალში, 2018 წლის თებერვალთან შედარებით, საქართველოში შემოსულ ტურისტთა რაოდენობა 5.1%-ით გაიზარდა. 2018 წლის თებერვალში 235 712 ტურისტი შემოვიდა, ხოლო 2019 წლის თებერვალში 247 705.
ვიზიტორების რაოდენობა, რომელიც ტურისტებთან ერთად, ტრანზიტს და სხვა კატეგორიებს მოიცავს, თებერვალში 0.4%-ით შემცირდა და ჯამში 469 545 ვიზიტორი შემოვიდა. შემცირება ერთდღიანი ვიზიტების 11%-ით კლებამ განაპირობა.
თებერვალში ყველაზე მეტი (83 511) ვიზიტორი აზერბაიჯანიდან შემოვიდა. მეორე ადგილზეა სომხეთი 70 078 ვიზიტორით, ხოლო მესამეზე რუსეთია 69 675 ვიზიტორით.
ცხრილი: 10 ქვეყანა, საიდანაც 2019 წლის თებერვალში საქართველოში ყველაზე მეტი ვიზიტორი შემოვიდა
ქვეყანა | ვიზიტორების რაოდენობა | ცვლილება |
აზერბაიჯანი | 83,511 | 0.0% |
სომხეთი | 70,078 | -10.7% |
რუსეთი | 69,675 | 14.7% |
თურქეთი | 61,594 | -19.8% |
უკრაინა | 10,122 | 13.1% |
ირანი | 7,549 | -48.4% |
ისრაელი | 7,153 | 198.4% |
ინდოეთი | 3,527 | 26.8% |
ფილიპინები | 3,252 | 11.0% |
ყაზახეთი | 2,768 | 34.4% |
წყარო: საქართველოს ტურიზმის ეროვნული ადმინისტრაცია
