„Spider-Man: Brand New Day“-მ ივლისში, კინოგაქირავებაში ჩაშვებიდან პირველ უიკენდზე, აშშ-სა და კანადის კინოთეატრებში $360.1 მილიონი გამოიმუშავა და ნომინალურ მაჩვენებელში ყველა დროის ყველაზე შემოსავლიანი სადებიუტო უქმეების რეკორდი დაამყარა. თუმცა, თუ წარსულის შედეგებს ინფლაციის გათვალისწინებით შევადარებთ, სურათი შეიცვლება.
ინფლაციაზე კორექტირებული მონაცემებით, რეკორდს კვლავ „Avengers: Endgame“ ინარჩუნებს. 2019 წლის აპრილში ფილმის მიერ სადებიუტო უქმეებზე მიღებული $357.1 მილიონი 2026 წლის ივნისის ფასებში $466.7 მილიონს უტოლდება.
სტატიაში წარმოდგენილი რეიტინგი Box Office Mojo-ს ყველა დროის მონაცემებს ეფუძნება, ხოლო შემოსავლები აშშ-ის შრომის სტატისტიკის ბიუროს (BLS) სამომხმარებლო ფასების ინდექსის მიხედვითაა კორექტირებული.
„Avengers: Endgame“ კვლავ პირველ ადგილზეა
ინფლაციის გათვალისწინებით დათვლილი $466.7 მილიონის შემოსავლით, „Avengers: Endgame“ მეორე ადგილზე მყოფ „Spider-Man: Brand New Day“-ს დაახლოებით $106.6 მილიონით უსწრებს. შესაბამისად, ფილმების შემოსავლებს შორის სხვაობა თითქმის 30%-ია.
თუმცა „Spider-Man: Brand New Day“-ის შედეგი მაინც განსაკუთრებით შთამბეჭდავია. ფილმმა ნომინალურ მაჩვენებელში რეკორდი დაამყარა ისე, რომ IMAX-ის ეკრანებზე არ გასულა. ცნობისთვის, ამ ფორმატის ეკრანები კრისტოფერ ნოლანის „The Odyssey“-სთვის სამკვირიანი ექსკლუზიური ჩვენების ფარგლებში იყო დათმობილი.
25 ყველაზე მაღალშემოსავლიანი ფილმი სადებიუტო უქმეების მიხედვით (ინფლაციის გათვალისწინებით):
| რეიტინგი | ფილმი | გამოსვლის თარიღი | სადებიუტო უქმეების შემოსავალი |
|---|---|---|---|
| 1 | Avengers: Endgame | 26 აპრილი, 2019 | $466.7 მლნ |
| 2 | Spider-Man: Brand New Day | 31 ივლისი, 2026 | $360.1 მლნ |
| 3 | Star Wars: Episode VII – The Force Awakens | 18 დეკემბერი, 2015 | $350.1 მლნ |
| 4 | Avengers: Infinity War | 27 აპრილი, 2018 | $343.5 მლნ |
| 5 | Spider-Man: No Way Home | 17 დეკემბერი, 2021 | $311.6 მლნ |
| 6 | The Avengers | 4 მაისი, 2012 | $301.4 მლნ |
| 7 | Star Wars: Episode VIII – The Last Jedi | 15 დეკემბერი, 2017 | $298.0 მლნ |
| 8 | Jurassic World | 12 ივნისი, 2015 | $292.2 მლნ |
| 9 | Black Panther | 16 თებერვალი, 2018 | $270.9 მლნ |
| 10 | Avengers: Age of Ultron | 1 მაისი, 2015 | $268.6 მლნ |
| 11 | Harry Potter and the Deathly Hallows: Part 2 | 15 ივლისი, 2011 | $250.1 მლნ |
| 12 | Iron Man 3 | 3 მაისი, 2013 | $249.7 მლნ |
| 13 | The Lion King | 19 ივლისი, 2019 | $249.6 მლნ |
| 14 | Captain America: Civil War | 6 მაისი, 2016 | $249.0 მლნ |
| 15 | Spider-Man 3 | 4 მაისი, 2007 | $242.7 მლნ |
| 16 | Incredibles 2 | 15 ივნისი, 2018 | $242.1 მლნ |
| 17 | The Dark Knight | 18 ივლისი, 2008 | $240.5 მლნ |
| 18 | Beauty and the Beast | 17 მარტი, 2017 | $239.4 მლნ |
| 19 | The Dark Knight Rises | 20 ივლისი, 2012 | $234.5 მლნ |
| 20 | Batman v Superman: Dawn of Justice | 25 მარტი, 2016 | $232.8 მლნ |
| 21 | Star Wars: Episode IX – The Rise of Skywalker | 20 დეკემბერი, 2019 | $230.5 მლნ |
| 22 | The Hunger Games: Catching Fire | 22 ნოემბერი, 2013 | $226.5 მლნ |
| 23 | Deadpool & Wolverine | 26 ივლისი, 2024 | $224.5 მლნ |
| 24 | Pirates of the Caribbean: Dead Man’s Chest | 7 ივლისი, 2006 | $222.6 მლნ |
| 25 | The Hunger Games | 23 მარტი, 2012 | $222.1 მლნ |
რეიტინგში Marvel-ის ფილმები დომინირებს
ტოპ-25-ში Marvel-ის პერსონაჟებზე დაფუძნებული 11 ფილმია. მათ შორისაა ოთხივე „Avengers“, Sony-ის „Spider-Man“-ის სერიის ფილმები და 2024 წლის „Deadpool & Wolverine“.
რეიტინგში ასევე თვალსაჩინოა სეზონური ფაქტორი. ივლისზე შვიდი ფილმი მოდის, ხოლო მაისიდან ივლისის ჩათვლით, ზაფხულის კინოთეატრალური სეზონის მონაკვეთში, 25-დან 14 ფილმია გამოსული.
დეკემბერში გამოსული ოთხივე ფილმი კი „Star Wars“-ისა და „Spider-Man“-ის ფრენჩაიზებს ეკუთვნის.
რატომ ვერ ხვდება ჰოლივუდის ძველი პოპულარული ფილმები რეიტინგში?
ინფლაციის გათვალისწინება, როგორც წესი, ძველ ფილმებს თანამედროვე ბლოკბასტერებთან შედარებით უკეთეს პოზიციას აძლევს. თუმცა, ამ შემთხვევაში, ყველაზე ძველი ფილმი, რომელიც რეიტინგში მოხვდა, 2006 წლის „Pirates of the Caribbean: Dead Man’s Chest“-ია.
ამის მთავარი მიზეზი ისაა, რომ თანამედროვე მასშტაბის სადებიუტო უქმეების კინოჩვენებები კინოინდუსტრიის შედარებით ახალი ფენომენია. დღეს ფილმები ათასობით კინოთეატრში ერთდროულად გამოდის.
მაგალითად, 1990-იანი წლების ყველაზე შემოსავლიანი ფილმი „Titanic“ 1997 წლის დეკემბერში მხოლოდ 2,674 კინოთეატრში გამოვიდა და პირველ უქმეებზე $28.6 მილიონი გამოიმუშავა. ამის შემდეგ ფილმი კინოთეატრებში თვეების განმავლობაში წარმატებით გადიოდა.
შედარებისთვის, „Spider-Man: Brand New Day“ 4,487 კინოთეატრში გამოვიდა, ხოლო ბილეთების წინასწარმა გაყიდვებმა მაყურებლის მნიშვნელოვან ნაწილს დებიუტის პირველივე უქმეებზე მოუყარა თავი.
