ფორბსის ცენტრალური და აღმოსავლეთ ევროპის ფორუმზე, რომელიც ბუქარესტში მიმდინარეობს, დღეს, 23 სექტემბერს სიტყვით გამოვიდა საქართველოს პარლამენტის წევრი, ზურაბ ჯაფარიძე. მისი გამოსვლის თემა იყო “ეკონომიკური განვითარების მიზნით მთავრობების მიერ გამოყენებული მეთოდები – საქართველოს მაგალითი”.
ზურაბ ჯაფარიძემ მოკლედ მიმოიხილა ის რეფორმები, რომლებმაც განაპირობა ეკონომიკის ზრდა 2004-2012 წლებში, ისაუბრა ეკონომიკური ზრდის ხელის შემშლელ ფაქტორებზე, რომლებსაც ადგილი ჰქონდა ამ პერიოდში (სავაჭრო, სატრანსპორტო და ენერგეტიკული ემბარგო რუსეთის ფედერაციის მხრიდან, 2008 წლის რუსული სამხედრო აგრესია, 2007 წლის მეორე ნახევარში დაწყებული მსოფლიო ფინანსურ-ეკონომიკური კრიზისი), აგრეთვე, გააკრიტიკა ბოლო ორ წელიწადში გატარებული, საქართველოს ეკონომიკურ გარემოზე ნეგატიური გავლენის მქონე ცვლილებები, როგორიცაა უცხო ქვეყნის მოქალაქეებზე მიწის მიყიდვის ფაქტობრივი აკრძალვა და სავიზო რეჟიმის შემოღება საქართველოზე მდიდარი ქვეყნების მოქალაქეებისთვის, აშშ-ს და ევროკავშირის მოქალაქეების ჩათვლით.
რუმინული ფორბსის მიერ ორგანიზებულ ფორუმს ესწრება Forbes Georgia-ის მთავარი რედაქტორიც, გუგა სულხანიშვილი.
