14 აპრილს საერთაშორისო სავალუტო ფონდმა წევრი ქვეყნების ეკონომიკური განვითარების პროგნოზები გამოაქვეყნა. აღნიშნული კვლევის მიხედვით საქართველოში 2015 წელს ერთ სულ მოსახლეზე საშუალო წლიური შემოსავალი 3087 დოლარი იქნება. 2014 წელს აღნიშნული მაჩვენებელი 3699 დოლარი იყო.
ბუნებრივია, დოლარებში შემოსავლის შემცირებას ლარის კურსის გაუფასურება განაპირობებს.
ბოლო პერიოდში დოლარის მიმართ სხვა მრავალი ქვეყნის ეროვნული ვალუტაც გაუფასურდა. თუმცა, თუ ვნახავთ ქვეყნების რეიტინგს შემოსავლების მიხედვით, საქართველო აქაც უკუსვლას განიცდის. თუ 2014 წელს 113-ე ადგილს იკავებდა 3699 დოლარით, 2015 წელს 121-ე ადგილს დაიკავებს 3087 დოლარით.
საქართველოსმაჩვენებლები | 2012 | 2013 | 2014 | 2015 |
ადგილი 187 ქვეყანას შორის | 117 | 116 | 113 | 121 |
საშუალო წლიური შემოსავალი ერთ სულ მოსახლეზე (აშშ დოლარი) | 3523 | 3600 | 3699 | 3087 |
