ფოტო: sundayguardianlive.com
48 გუნდის მონაწილეობით გამართული 2026 წლის მსოფლიო ჩემპიონატი 40 დღისა და 104 მატჩის შემდეგ დასრულდა. ტურნირის გამარჯვებული ესპანეთის საფეხბურთო ნაკრები გახდა, რომელმაც ფინალში არგენტინა 1:0 დაამარცხა და მსოფლიო ჩემპიონის ტიტული ისტორიაში მეორედ მოიპოვა.
2026 წლის მსოფლიო ჩემპიონატის საპრიზო ფონდი 655 მილიონ აშშ დოლარს შეადგენდა, რაც FIFA-ს მიერ ორგანიზებული ტურნირის ისტორიაში ყველაზე მაღალი თანხაა. შედარებისთვის, 2022 წლის მუნდიალის საპრიზო ფონდი 440 მილიონი დოლარი იყო, რაც ნიშნავს, რომ ოთხ წელიწადში ის თითქმის 50%-ით გაიზარდა.
წელს მსოფლიო ჩემპიონატი 48-გუნდიანი ფორმატით პირველად ჩატარდა. საპრიზო თანხაც სწორედ ამ 48 ნაკრების შედეგების მიხედვით გადანაწილდა.
აღსანიშნავია, რომ ფულადი ჯილდო იმ 16 ნაკრებსაც ერგო, რომლებმაც ჯგუფური ეტაპი ვერ დაძლიეს. თითოეულმა მათგანმა 9 მილიონი აშშ დოლარი მიიღო.
მეთექვსმეტედფინალში გასულმა 16 ნაკრებმა 11-11 მილიონი დოლარი დაიმსახურა, მერვედფინალისტებმა კი – 15-15 მილიონი დოლარი.
მეოთხედფინალში გასული ოთხი ნაკრები – მაროკო, ბელგია, ნორვეგია და შვეიცარია – FIFA-სგან 19-19 მილიონ დოლარს მიიღებს.
მესამე ადგილისთვის შეხვედრაში დამარცხებული საფრანგეთის ნაკრები 27 მილიონი დოლარით დაჯილდოვდება, ხოლო ბრინჯაოს მედლის მფლობელი ინგლისი – 29 მილიონი დოლარით.
ფინალისტებს შორის, ვიცე-ჩემპიონი არგენტინა 33 მილიონ აშშ დოლარს მიიღებს, ხოლო მსოფლიო ჩემპიონი ესპანეთი – 50 მილიონ დოლარს.
მსოფლიო ჩემპიონატზე მიღებული საპრიზო თანხის განაწილების წესი თითოეული ეროვნული ფეხბურთის ფედერაციის გადაწყვეტილებაზეა დამოკიდებული. როგორც წესი, თანხა ფეხბურთელებს, სამწვრთნელო შტაბსა და ტურნირში ჩართულ სხვა პერსონალს შორის ნაწილდება, თუმცა კონკრეტული სქემა ყველა ქვეყანაში განსხვავებულია.
| რეიტინგი | გუნდი | პრიზი ($, მილიონი) |
| I ადგილი | ესპანეთი | 50 |
| II ადგილი | არგენტინა | 33 |
| III ადგილი | ინგლისი | 29 |
| IV ადგილი | საფრანგეთი | 27 |
| ¼ ფინალისტი | მაროკო | 19 |
| ¼ ფინალისტი | ბელგია | 19 |
| ¼ ფინალისტი | ნორვეგია | 19 |
| ¼ ფინალისტი | შვეიცარია | 19 |
| 1/8 ფინალისტი | კანადა | 15 |
| 1/8 ფინალისტი | პარაგვაი | 15 |
| 1/8 ფინალისტი | ბრაზილია | 15 |
| 1/8 ფინალისტი | მექსიკა | 15 |
| 1/8 ფინალისტი | პორტუგალია | 15 |
| 1/8 ფინალისტი | აშშ | 15 |
| 1/8 ფინალისტი | ეგვიპტე | 15 |
| 1/8 ფინალისტი | კოლუმბია | 15 |
| 1/16 ფინალისტი | სამხრეთი აფრიკა | 11 |
| 1/16 ფინალისტი | ნიდერლანდები | 11 |
| 1/16 ფინალისტი | იაპონია | 11 |
| 1/16 ფინალისტი | გერმანია | 11 |
| 1/16 ფინალისტი | კოტ-დ’იუვარი | 11 |
| 1/16 ფინალისტი | შვედეთი | 11 |
| 1/16 ფინალისტი | ეკვადორი | 11 |
| 1/16 ფინალისტი | კონგო | 11 |
| 1/16 ფინალისტი | სენეგალი | 11 |
| 1/16 ფინალისტი | ბოსნია და ჰერცეგოვინა | 11 |
| 1/16 ფინალისტი | ავსტრია | 11 |
| 1/16 ფინალისტი | ხორვატია | 11 |
| 1/16 ფინალისტი | ალჟირი | 11 |
| 1/16 ფინალისტი | ავსტრალია | 11 |
| 1/16 ფინალისტი | განა | 11 |
| 1/16 ფინალისტი | კაპო-ვერდე | 11 |
| ჯგუფურ ეტაპზე მონაწილე | ჩეხეთი | 9 |
| ჯგუფურ ეტაპზე მონაწილე | სამხრეთი კორეა | 9 |
| ჯგუფურ ეტაპზე მონაწილე | კატარი | 9 |
| ჯგუფურ ეტაპზე მონაწილე | შოტლანდია | 9 |
| ჯგუფურ ეტაპზე მონაწილე | ჰაიტი | 9 |
| ჯგუფურ ეტაპზე მონაწილე | თურქეთი | 9 |
| ჯგუფურ ეტაპზე მონაწილე | კურასაო | 9 |
| ჯგუფურ ეტაპზე მონაწილე | ტუნისი | 9 |
| ჯგუფურ ეტაპზე მონაწილე | ირანი | 9 |
| ჯგუფურ ეტაპზე მონაწილე | ახალი ზელანდია | 9 |
| ჯგუფურ ეტაპზე მონაწილე | ურუგვაი | 9 |
| ჯგუფურ ეტაპზე მონაწილე | საუდის არაბეთი | 9 |
| ჯგუფურ ეტაპზე მონაწილე | ერაყი | 9 |
| ჯგუფურ ეტაპზე მონაწილე | იორდანია | 9 |
| ჯგუფურ ეტაპზე მონაწილე | უზბეკეთი | 9 |
| ჯგუფურ ეტაპზე მონაწილე | პანამა | 9 |
