ფოტო: Getty Images
სტატისტიკის ეროვნული სამსახურის მონაცემებით, 2026 წლის სექტემბერში საქართველოში სამრეწველო პროდუქციის მწარმოებელთა ფასების ინდექსი წლიურად 4.6%-ით გაიზარდა, წინა თვესთან შედარებით კი 0.02%-ით შემცირდა.
თვიურ ჭრილში ფასების კლება დაფიქსირდა როგორც სამთო-მოპოვებით მრეწველობასა და კარიერების დამუშავებაში, ისე დამამუშავებელი მრეწველობის პროდუქციაზე. პირველ შემთხვევაში ფასები 0.1%-ით შემცირდა, მეორეში კი ასევე 0.1%-ით. საპირისპიროდ, ელექტროენერგიის, აირის, ორთქლისა და კონდიცირებული ჰაერის ჯგუფში ფასები 0.4%-ით გაიზარდა.
წლიურ ჭრილში ფასების ზრდაზე ყველაზე დიდი გავლენა დამამუშავებელი მრეწველობის პროდუქციამ მოახდინა. ამ ჯგუფში ფასები 4.1%-ით გაიზარდა, მათ შორის, 4.1%-ით გაძვირდა კვების პროდუქტები, ხოლო ძირითადი ლითონების ფასები 8.5%-ით გაიზარდა.
სამთო-მოპოვებით მრეწველობასა და კარიერების დამუშავებაში ფასები წლიურად 12.6%-ით გაიზარდა. ამ ჯგუფში ლითონის მადნები 12.1%-ით გაძვირდა.
ამავე პერიოდში ელექტროენერგიის, აირის, ორთქლისა და კონდიცირებული ჰაერის ჯგუფში ფასების ზრდამ 3.2% შეადგინა, წყალმომარაგების, კანალიზაციის, ნარჩენების მართვისა და რეკულტივაციის მომსახურების ჯგუფში კი – 5.8%.
Forbes Georgia-ს აღმასრულებელი რედაქტორი
