ცოტა ხნის წინ, Tesla-ს აღმასრულებელმა ხელმძღვანელმა, ილონ მასკმა განაცხადა, რომ რუსეთ-უკრაინის ომის ფონზე აუცილებელია, დანარჩენმა მსოფლიომ ნავთობისა და გაზის წარმოება დაუყონებლივ გაზარდოს, რათა ნავთობის მიწოდების ჯაჭვში ომის შედეგად გამოწვეული შეფერხებები, რაც შეიძლება მალე აღმოიფხვრას, ხოლო გაზის მზარდი ფასები – დასტაბილურდეს.
Hate to say it, but we need to increase oil & gas output immediately.
Extraordinary times demand extraordinary measures.
— Elon Musk (@elonmusk) March 5, 2022
ილონ მასკმა განაცხადა, რომ კარგად ესმის, თუ რა ზიანი მიადგება ამ გადაწყვეტილებით Tesla-ს, მაგრამ დასძინა, რომ დღევანდელ რეალობაში ენერგიის განახლებად წყაროებზე დაჩქარებული წესით გადასვლა და მოკლევადიან პერიოდში მომხმარებელთა მზარდი ფასებისგან დაცვა – უბრალოდ შეუძლებელია.
Obviously, this would negatively affect Tesla, but sustainable energy solutions simply cannot react instantaneously to make up for Russian oil & gas exports.
— Elon Musk (@elonmusk) March 5, 2022
აღსანიშნავია, რომ ეს ტვიტები ილონ მასკმა მაშინ გაავრცელა, როცა ამერიკის შეერთებული შტატების პრეზიდენტი, ჯო ბაიდენი განიხილავს, დაადოს თუ არა ემბარგო რუსულ ნედლ ნავთობს. საინტერესოა, რომ ილონ მასკის ამ იდეას ეთანხმებიან ნავთობწარმოების ამერიკული ინდუსტრიის ლიდერებიც – მათი აზრით, ქვეყანაში ნავთობის წარმოებამ აუცილებლად უნდა იმატოს.
თავისთავად ცხადია, რომ რუსეთ-უკრაინის ომმა გავლენა ნედლი ნავთობის მსოფლიო ბაზარზეც მოახდინა – პარასკევს, ნავთობის ფასის ისტორიაში უდიდესი ზრდა დაფიქსირდა. ნავთობის ფასის გარდა იზრდება ხორბლის და ლითონების ფასებიც
