საქართველოს სტატისტიკის ეროვნული სამსახურის ინფორმაციით, 2019 წლის მეორე კვარტალში საქართველოში 187 მლნ დოლარის პირდაპირი უცხოური ინვესტიცია შემოვიდა, რაც 54%-ით (217 მლნ დოლარით) ნაკლებია 2018 წლის მეორე კვარტლის მონაცემებზე.
პირველი ორი კვარტლის ჯამში, პირდაპირი უცხოური ინვესტიციები 35%-ით (254 მლნ დოლარით) შემცირდა.
2019 წლის მეორე კვარტალში ყველაზე მსხვილი ინვესტორი ქვეყნები იყვნენ ნიდერლანდები (58 მლნ დოლარი), თურქეთი (36 მლნ დოლარი) და აშშ (28 მლნ დოლარი). ინვესტიციები ყველაზე მეტად ჩეხეთიდან და აზერბაიჯანიდან შემცირდა (66 და 64 მლნ დოლარით), ხოლო ყველაზე მეტად ყაზახეთიდან გაიზარდა – 46 მილიარდი დოლარით.
ეკონომიკის სექტორების მიხედვით, ყველაზე მეტი ინვესტიცია განხორციელდა ენერგეტიკაში (64 მლნ), მრეწველობაში (38 მლნ) და სასტუმროებში (28 მლნ), ხოლო ყველაზე ცოტა მშენებლობაში (4 მლნ) და სოფლის მეურნეობაში (3 მლნ).
ინვესტიციების წმინდა გადინება დაფიქსირდა საფინანსო სექტორში, 34 მლნ დოლარით შემცირდა ამ სექტორში ინვესტიციები. ასევე, ინვესტიციები შემცირდა კავშირგაბმულობაში და ჯანმრთელობის დაცვის სექტორებში.
გრაფიკი: პირდაპირი უცხოური ინვესტიციები საქართველოში, მლნ დოლარი
| 2016 | 2017 | I კვ. 2018 | II კვ. 2018 | 2018 | I კვ. 2019 | II კვ. 2019 |
სულ | 1,650 | 1,963 | 324 | 404 | 1,265 | 286 | 187 |
ენერგეტიკა | 145 | 281 | -17 | 102 | 121 | 49 | 64 |
დამამუშავებელი მრეწველობა | 123 | 99 | 41 | 19 | 140 | 19 | 38 |
სასტუმროები და რესტორნები | 120 | 107 | 25 | -8 | 78 | 59 | 28 |
ტრანსპორტი | 576 | 475 | 64 | 64 | 203 | 28 | 26 |
უძრავი ქონება | 55 | 215 | -6 | 63 | 131 | -125 | 23 |
სამთომოპოვებითი მრეწველობა | 50 | 52 | 21 | 17 | 62 | 9 | 15 |
მშენებლობა | 177 | 173 | 103 | 46 | 173 | 7 | 4 |
სოფლის მეურნეობა | 8 | 12 | -5 | 1 | -3 | 3 | 3 |
ჯანმრთელობის დაცვა | 30 | 6 | 8 | 2 | 12 | 1 | -1 |
კავშირგაბმულობა | 87 | 49 | -63 | 11 | -40 | 14 | -7 |
საფინანსო სექტორი | 123 | 308 | 110 | 63 | 271 | 56 | -34 |
დანარჩენი სექტორები | 156 | 185 | 43 | 25 | 117 | 167 | 27 |
წყარო: საქსტატი
