იანვარიდან მოსახლეობამ ლარის დეპოზიტების დოლარში გადატანა დაიწყო

2015 წლის იანვარში საქართველოს კომერციულ ბანკებში ლარში განხორციელებული დეპოზიტები 362 მილიონი ლარით შემცირდა, ხოლო დეპოზიტები უცხოურ ვალუტაში 678 მილიონი ლარით გაიზარდა, საიდანაც აშშ დოლარში განხორციელებული დეპოზიტები 583 მილიონი ლარით, ევროში განხორციელებული დეპოზიტები კი 78 მილიონი ლარით გაიზარდა.

ლარში დეპოზიტების შემცირება მიმდინარე ანგარიშებზე და მოთხოვნამდე დეპოზიტებზე არსებული თანხის შემცირებამ განაპირობა, ხოლო უცხოური ვალუტის დეპოზიტების ზრდა ძირითადად ვადიანი დეპოზიტების ზრდის შედეგია.

აღნიშნული სტატისტიკა უჩვენებს, რომ იანვრიდან მოსახლეობამ ლარში განხორციელებული დეპოზიტების უცხოურ ვალუტაში გადატანა დაიწყო. შედეგად, დეპოზიტების დოლარიზაციის მაჩვენებელი (უცხოურ ვალუტაში განხორციელებული დეპოზიტების წილი მთლიან დეპოზიტებში) 3.8 პუნქტით, 57.1%-დან 60.9%-მდე გაიზარდა.

ლარის გაუფასურება იანვარში ვადაგადაცილებული სესხების მოცულობაზეც აისახა. სულ ვადაგადაცილებული სესხები 43 მილიონი ლარით გაიზარდა. აქედან, 11 მილიონი ლარით გაიზარდა ლარში გაცემული ვადაგადაცილებული სესხები, ხოლო 32 მილიონით – დოლარში გაცემული სესხები.

მონაცემთა წყარო: საქართველოს ეროვნული ბანკი

წინა სტატია

26 თებერვალი, 2015

შემდეგი სტატია

გავლენიანი ადამიანები - ჯეფრი გუნდლაჰი
27 თებერვალი, 2015
ყველაზე მოთხოვნადი სასწავლო პროგრამებისა და უმაღლესი სასწავლო დაწესებულებების რეიტინგი 2020 წლის ერთიანი ეროვნული გამოცდების შედეგებით
რეიტინგი | აგვ, 30, 2020
საქართველოს ტოპ 7 უმაღლესი სასწავლო დაწესებულება 2020 წლის ერთიანი ეროვნული გამოცდებით ჩარიცხულ სტუდენტთა რაოდენობებით
საქართველო | სექ, 03, 2020
აშშ-ის დაავადებათა კონტროლის ცენტრმა შტატები გააფრთხილა ვაქცინის დისტრიბუციისთვის ორ თვეში მზად იყვნენ
ახალი ამბები ქართულად | სექ, 04, 2020
Forbes Georgia in EnglishForbes WomanForbes Banker